Martın 24-də İsrailin baş naziri Binyamin Netaniyahunun şəxsi nümayəndəsi Türkiyədə bu ölkənin kəşfiyyatının rəhbəri Hakan Fidanla görüşüb. Modern.az Türkiyənin “Zaman” qəzetinə istinadən bildirir ki, görüş zamanı digər məsələlərlə yanaşı baş nazir Rəcəb Tayyib Ərdoğanın İsrailə səfərinin mümkünlüyü də müzakirə olunub. Bundan əlavə, İsrail səfirliyinin Türkiyədə, bu ölkə səfirliyinin isə İsraildə açılması məsələsi də müzakirə predmeti olub. Qəzetin məlumatına görə, Ərdoğanın İsrailə səfəri bu ilin avqust ayında Türkiyədə keçiriləcək prezident seçkilərindən sonra baş tuta bilər.
Modern.az
