Modern.az

Kim ki yüz il yaşamırsa... - qreypfrut yeyin

Kim ki yüz il yaşamırsa... - qreypfrut yeyin

30 Mart 2014, 14:25

Bol vitamin qəbul etmək istəyirsinizsə…

Bu meyvənin tərkibində həyat üçün vacib olan C, D, P, A vitaminləri, həmçinin kalium, maqnezium, dəmir, fosfor, kalsium kimi maddələr var.

Qpeypfrut qanda xolesterinin miqdarını aşağı salan, damarların kirəçləşməsinin qarşısını alan lektin kimi faydalı maddə ilə də zəngindir.

Yüksək qan təzyiqindən əziyyət çəkənlər üçün qpeypfrut olduqca xeyirlidir və müntəzəm bu meyvədən istifadə etmələri məsləhətdir.

Qreypfrutu zəiflik və yorğunluq zamanı yemək çox faydalıdır.

Yuxusuzluq qızdırma, artrit, qaraciyərin funksiyasının pozğunluğu zamanı da qreypfrut çox kömək edir.

Şişkinliklər və müxtəlif iltihabi proseslər zamanı o, yüngül sidik qovucu vasitə hesab olunur.

Eyni zamanda pəhriz saxlayanlar üçün qpeypfrut əvəzolunmaz meyvədir. Az kalorilidir, həzmetməni yaxşılaşdırır, iştahanı azaldır, yeməkdən sonra ağırlıq hissini aradan qaldırır.

Qreypfrutun əsas dəyərlərindən biri onun öd daşı xəstəliklərinin vəziyyətinin xeyli yüngülləşdirə bilməsidir. Onun şirəsi öd qovucu kimi çox təsirlidir.

Əgər siz ödün yığılması və öd daşı xəstəliyindən əziyyət çəkirsinizsə, eyni miqdarda təzə sıxılmış qreypfrut şirəsi ilə zeytun yağını qarışdırın. Axşamlar yarım stəkan için. Bundan sonra sağ böyrü üstə yatağa uzanıb qaraciyər nahiyəsinə qrelka qoyun. Qrelkanı 40-50 dəqiqə saxlayın. Səhər təkrar edin.

Bol miqdarda vitamin qəbul etmək istəyirsinizsə, qreypfrutu kəsən kimi yeyin. Bu meyvənin dadı azca acımtıl olur. Onu turş meyvə yaxud qozla yedikdə daha yaxşı mənimsənilir.

Çoxları qreypfrutun üstündəki ağ qabıqları acı olduğuna görə soyurlar. Bu düzgün deyil. Çünki meyvənin müalicəvi əhəmiyyəti məhz bu ağ örtükdədir.

Qreypfrutu axşam yesəniz daha yaxşı olar, səhər yuxudan şən əhval-ruhiyyədə oyanacaqsınız.

Qrip və soyuqdəymə zamanı o, qızdırmanı aşağı salır.

Meyvənin qabığındakı P vitamini kapilyarların keçiciliyini artırır, orqanizmdə C vitamininin toplanmasına kömək edir.

Mədə xorası olan insanlara qreypfrutdan istifadə məhdudlaşdırılmalıdır.

Qan təzyiqini aşağı salan dərmanlar qəbul edildikdə qreypfrut yemək məsləhət deyil. Bunun xöşagəlməz fəsadları ola bilər.

Ümumiyyətlə digər meyvə və tərəvəzlər kimi bu meyvəni də qədərində istifadə etməklə faydasını görmək olar.

Sağlamlığınız naminə vitaminlərlə zəngin qreypfrutdan imtina etməyin.

İlham Cəmiloğlu

Youtube
Kanalımıza abunə olmağı unutmayın!
Keçid et
Sevastopolda Rusiyaya məxsus daha bir SU-35 vurulub