Prezidentliyə namizəd, keçmiş baş nazir Ukraynanı Rusiyanın təcavüzkar siyasətindən xilas etmək üçün dünyanı birbaşa hərbi yardım etməyə çağırıb. Modern.az. Ukrayna KİV-nə istinadən bildirir ki, bu haqda “Batkivşina” partiyasının mətbuat xidməti məlumat yayıb. Timoşenko bəyan edib ki, qərar qəbul etmək vaxtıdır: “Təcavüzkarla barışıq dövrü başa çatıb. Eyni zamanda, Rusiya təcavüzünə qarşı ümummilli müqavimətin elan edilməsinin vaxtı çatıb”.

Timoşenko bütün dövlət başçılarını yubanmadan Rusiya dövlətinə qarşı daha sərt sanksiyalar tətbiq etməyə çağırıb: “Mən liderlərdən həm də xahiş edirəm ki, azadlıq uğrunda mübarizə aparan  Ukrayna xalqına birbaşa hərbi yardım etsinlər. Mən dünya liderlərindən fəaliyyətə başlamalarını xahiş edirəm”.

Modern.az