Prezident İlham Əliyev Azərbaycan Respublikası vətəndaşlarının 2010-cu il iyulun 1-dən 30-dək həqiqi hərbi xidmətə çağırılması və müddətli həqiqi hərbi xidmətdə olanların ehtiyata buraxılması haqqında fərman imzalayıb.
Fərmana əsasən, 1992-ci ildə doğulmuş və 18 yaşı tamam olmuş, habelə 1975-1991-ci illərdə doğulmuş, yaşı 35-dək olan şəxslər Respublikanın Silahlı Qüvvələrində və qanunvericilikdə nəzərdə tutulmuş digər silahlı birləşmələrdə hərbi xidmətə çağırışdan möhlət hüququ olmayan Azərbaycan Respublikası vətəndaşları 2010-cu ilin iyulun 1-dən 30-dək həqiqi hərbi xidmətə çağırılırlar.
Xidmət müddəti keçmiş əsgər, matros və çavuşlar isə 2010-cu il iyulun 1-dən 30-dək ehtiyata buraxılacaqlar.
