ATƏT-in Minsk Qrupunun həmsədrləri Azərbaycan və Ermənistana səfərləri ilə bağlı məlumat yayıb. Modern.az xəbər verir ki, həmsədrlər səfərdə əsas diqqətin Dağlıq Qarabağdakı vəziyyət həmçinin Kəlbəcər və Laçın rayonlarındakı durumu nəzərdən keçirməyə yönəldiyini bəyan edib.
Həmsədrlər işğal altında olan Sərsəng su anbarından Azərbaycan və Ermənistanın birgə istifadə edəcəklərinə inandıqlarını bildirib.
Qeyd edək ki, Minsk Qrupunun həmsədrləri İqor Popov (Rusiya), Jak For (Fransa), Ceyms Uorlik (ABŞ) və ATƏT-in fəaliyyətdə olan sədrinin şəxsi nümayəndəsi Anji Kaspşik may ayının 16-dan regionda səfərdədirlər. Ermənistandan sonra Azərbaycanın işğal altındakı rayonlarına yollanan diplomatlar orada vəziyyəti müşahidə ediblər.May ayının 19-dan isə onlar Azərbaycana səfərə gəliblər.
Modern.az
