Arxiv
6 İyul 2010, 19:16 | MEDİA
Jurnalistlərin mənzil problemi müzakirə olunub

Bu gün  “Xəbərlər- Azərbaycan” Beynəlxalq İnformasiya agentliyinin konfrans zalında Azərbaycan Jurnalist Qadınlar Assosiasiyasının  təşkilatçılığı ilə  "Milli mətbuatın 135 illik yubileyi: Jurnalistlərin sosial vəziyyətinin yaxşılaşdırılması yolları"  adlı dəyirmi masa təşkil edilib.

      Modern.az xəbər verir ki, dəyirmi masada jurnalistlərin mənzil probleminin həlli yollarının axtarılıb tapılması yönümdə aparılan müzakirələrin əsasında KİV nümayəndələri adından ölkə Prezidentinə müraciət qəbul edilib.

Azərbaycan Jurnalist Qadınlar Assosiasiyasının prezidenti Sevil Yusifova deyib ki, mətbuatın inkişafı yönümdə aparılan işlər təqdirə layiq haldır. “Amma etiraf etməliyik ki, jurnalistlərin əsas problemi onların sosial durumları ilə bağlıdır. Sosial vəziyyətin yaxşılaşdırılması istiqamətində hökumətin ata biləcəyi addımlara biz jurnalistlər də yardımçı olmalıyıq, təşəbbüslə çıxış etməliyik. Məhz buna görə mətbuat nümayəndələri və millət vəkilləri ilə birlikdə 135 illik yubiley ilində jurnalistlərin mənzil şəraitinin yaxşılaşdırılması təklifini aidiyyatı orqanların diqqətinə çatdırmağı düşündük”.

S.Yusifova deyib ki, bu gün mətbuatda çox istedadlı, dəyərli jurnalistlər var ki, onlar aldıqları məvaciblə özlərinin mənzil problemini həll edə bilmirlər. “Evsizlikdən əziyyət çəkir, amma bununla belə əzmkarlıqlarını itirmir və bütün vicdanları ilə fəaliyyətlərini davam etdirirlər, təmiz adlarını qoruyurlar.

Millət vəkili Lalə Abbasova da bu məsələyə öz münasibətini bildirib. Jurnalistlərin dəstəyə ehtiyacları olduğunu dilə gətirən deputat onları özlərinə qiymət verməyə çağırıb. Onun sözlərinə görə, özünə qiymət verən jurnalist aşağı məvaciblə (300 manatla) işləməməlidir. O söyləyib ki, belə jurnalistlər daha yüksək (700-800 manat civarında) maaş tələb etməklə ipoteka vasitəsilə ev əldə edə bilər. Deputat deyib ki, dövlət tərəfindən bu sahədə mükafat alanlar evlə təmin oluna bilər: “Bu gün hamı əlinə qələm alıb yazır. Ölkədə elə qəzetlərimiz var ki, onlar heç nəyə yaramırlar. Hər əlinə qələm alana ev vermək olmaz. Onlar ələkdən keçirilməlidirlər. Bunun da zamana ehtiyacı var. Amma həqiqi jurnalistlər üçün mənzil imkanı yaradılmalıdır”.

Müzakirəyə qatılan millət vəkili  Qüdrət Həsənquliyev də vaxtilə jurnalistlərin mənzillə təmin olunmaq məsləsini parlament jurnalistləri tərəfindən gündəmə gətirildiyini və təşəbbüsün nəticəsiz qaldığını xatırlatdı: «Görünür başqa forma axtarmaq lazımdır ki, dövlət bu problemin həllində necə yaxından iştirak eləsin? Azərbaycanda elə bir vəziyyətdir ki, əhalinin mətbuata marağı azalıb. İnsanlar qəzet oxumurlar. Bunun subyektiv və obyektiv səbəbləri var. Elektron informasiya almaq daha genişlənib. Ancaq hesab edirəm ki, qəzetə hər zaman ehtiyac olacaq. Sadəcə bu dövrü adlayıb keçmək lazımdır”.   Millət vəkilinin sözlərinə görə, dövlət indiki çətin şəraitdə jurnalistləri qorumağa çalışmalıdır. Onun fikrincə, jurnalistlərin yüksək əməkhaqqı tələb etməsi qeyri-realdır. Çünki qəzetin sahibinin jurnalistə ondan artıq vəsait imkanı yoxdur və ya vermək istəmir. Çünki qəzeti dotasiya ilə yaşadanların jurnalistə ondan artıq məvacib vermək, jurnalistin isə seçim imkanı yoxdur. Bu, jurnalistlərin çox ciddi problemidir. Reallıq budur ki, bu gün dördüncü hakimiyyət adlandırılan mətbuata prezidentdən tutmuş sadə vətəndaşa qədər hamının ehtiyacı var. Ona görə də dövlət mətbuatın qayğısına qalmalıdır. Əgər hakimiyyət istəsə problemi həll etmək elə də böyük maliyyə tələb olunmur: «Jurnalistlər üçün torpaq sahəsi ayrılsın. Mətbuat Şurasına səlahiyyət verilsin ki, hansısa sahibkarla müqavilə bağlasın. Həmin binanın birinci mərtəbəsi sahibkarın ixtiyarına verilsə, o evin maya dəyəri aşağı da düşə bilər”. Q.Həsənquliyevin sözlərinə görə, jurnalistlərin problemini çox az vəsaitlə həll etmək mümkündür. Faizsiz kreditlə 20-25 il ərzində jurnalist ev problemini həll edə bilər. Jurnalistlərə torpaq sahəsinin ayrılmasına gəlincə, millət vəkili bildirib ki, mütləq deyil ki, jurnalistlərə veriləcək torpaq sahəsi şəhərin mərkəzində olsun: «Əgər hər il 100 jurnalist evlə və ya torpaq sahəsi ilə təmin olunsa, onların problemi həmişəlik həllini tapar». Q.Həsənquliyev onu da vurğulayıb ki, bütün jurnalistlər əlbir olsalar, səslərini qaldırsalar problemin həllinə nail olmaq olar. Q.Həsənquliyev təklif etdi ki, prezidentə ünvanlanacaq müraciətlə bərabər Heydər Əliyev Fonduna da müraciət qəbul olunsun: «Hesab edirəm ki, bu müraciətin müəyyən bürokratik əngəlləri aşması üçün Mehriban xanımın dəstəyinə ehtiyac var».

Mətbuat Şurasının üzvü Umud Mirzəyev jurnalistlərin çoxluğundan da şikayətlənib: «Təsəvvür edin, jurnalistlərə ev verilməsi haqqında qərar qəbul olunsa, əhalinin 80 faizinin cibindən jurnalist vəsiqəsi çıxacaq. Ancaq evlər öz qəlbləri, əməkləri, peşəkarlıqları ilə fərqlənən jurnalistlərə verilməlidir. “Azərbaycan dövlətinin büdcəsi nə qədər artsa belə o büdcənin kifayət qədər xərcləri var. Amma bu o demək deyil ki, jurnalsitlərin problemi həll olunmamalıdır. Onun fikrincə, jurnalistlərin sosial probleminin həlli üçün kompleks tədbirlər planı hazırlanmalı və ölkə rəhbərliyinə təqdim olunmalıdır”.

Daha sonra çıxış edən Parlament Jurnalistləri Birliyinin sədri Elşad Eyvazlı bildirib ki, onlar tərəfindən bu məsələ ilə bağlı bir neçə dəfə müvafiq orqanlara müraciətlər olunsa da, məsələ nəticəsiz qalıb. Jurnalistləri həmrəyliyə çağıran birlik sədri söyləyib ki, əgər bütün jurnalistlər həmrəy olarsa, bu məsələnin həll etmək mümkün olar.

“Xalq cəbhəsi” qəzetinin baş redaktoru Elçin Mirzəbəyli Prezidentə ünvanlanan müraciətin mətni ilə tədbir iştirakçılarını tanış edib. Tədbir iştirakçıları müraciəti imzalayıblar. Sonda  jurnalistlərin evlə təmin olunması ilə bağlı Pezident İlham Əliyevə müraciət qəbul olunub. Modern.az

 
BU KATEQORİYADAN OLAN DİGƏR XƏBƏRLƏR
+ Arxiv
Azərbaycan Ordusunun avtomobil karvanı Qırmızı Bazardan keçdi 2 mart 2021, 01:00 Baş Qərargah Paşinyanı ittihamlara son qoymağa çağırdı 2 mart 2021, 00:47 Gəncədə qadın bıçaq xəsarəti ilə xəstəxanaya yerləşdirildi 2 mart 2021, 00:33 “Ağ Şəhər yalnız ağ adamlar üçün”dür? - Agentlikdən açıqlama 2 mart 2021, 00:19 Bu gün Od çərşənbəsidir 2 mart 2021, 00:05 İlham Əliyevin mətbuat konfransı Gürcüstan KİV-lərində 1 mart 2021, 23:56 İnstaqramda yeni funksiya yaradılır 1 mart 2021, 23:41 Türkiyədə bir gündə 69 nəfər virusdan öldü 1 mart 2021, 23:27 Paytaxtda daha bir bıçaqlanma 1 mart 2021, 23:19 Bir başqa 26 fevral... 1 mart 2021, 23:11 “Dəyişikliklər nə gülməli, nə də ağlamalıdır” - Deputat 1 mart 2021, 23:03 Ermənistan Dağlıq Qarabağdan vaz keçib - ŞƏRH 1 mart 2021, 22:54 Ərdoğan ləğv olunan qadağaları açıqladı 1 mart 2021, 22:49 Bakıda yanğın - 25 nəfər təxliyə olundu 1 mart 2021, 22:35 Erməni əsirliyindən xilas edilən qazimiz evinə döndü - VİDEO 1 mart 2021, 22:28 Çin KİV-ləri İlham Əliyevin vaksinlə bağlı fikirlərindən yazdı 1 mart 2021, 22:15 Qasparyanın qızından Paşinyana cavab: “Fərari” 1 mart 2021, 22:01 Bakıda qadın bıçaqlandı 1 mart 2021, 21:47 “Qarabağ bəyanatına zidd hər hansı addım böyük faciəyə səbəb ola bilər” - Valentina Matviyenko 1 mart 2021, 21:33 Gürcüstan COVAX-ı məhkəməyə verə bilər 1 mart 2021, 21:18 Paşinyan ən böyük satqının adını AÇIQLADI 1 mart 2021, 21:04 BMT ilə Azərbaycan arasında yeni əməkdaşlıq sazişi imzalandı - FOTO 1 mart 2021, 20:53 Qazilərin müalicəsi üçün İsraildən həkim heyəti gəldi - FOTO 1 mart 2021, 20:45 Sürücülərin nəzərinə! - Bu yolda hərəkət məhdudlaşdırılacaq 1 mart 2021, 20:34 Sarkisyan ordunu hakimiyyətin üzərinə qaldırır - Paşinyandan eks-prezidentə ittiham 1 mart 2021, 20:25 Pandemiya ilə bağlı nöqsanlar ən çox bu rayonda aşkarlandı 1 mart 2021, 20:11 Vilayət Eyvazovdan yeni təyinat 1 mart 2021, 20:04 Azərbaycanda zəlzələ olub 1 mart 2021, 19:45 Ermənistanda referendum keçiriləcək - Paşinyandan ANONS 1 mart 2021, 19:37 Azərbaycan Belarusla hərbi əməkdaşlığı müzakirə edib 1 mart 2021, 19:16 Paşinyan erməni xalqından ÜZR İSTƏDİ 1 mart 2021, 19:10 Soydaşlarımız Almaniya Bundestaqını Xocalı soyqırımını tanımağa çağırıb 1 mart 2021, 18:54 Prezident oğlunu işdən azad etdi 1 mart 2021, 18:51 Xocalı Soyqırımı dünya mediasında 1 mart 2021, 18:39 Ceyhun Bayramov Özbəkistan səfiri ilə görüşüb 1 mart 2021, 18:36