ATƏT-in Minsk Qrupunun ABŞ-dan olan həmsədri Ceyms Uorlik Brüsseldə Azərbaycan və Ermənistan xarici işlər nazirləri ilə görüşəcək. Modern.az xəbər verir ki, bu barədə Ceyms Uorlik özünün Twitter hesabında məlumat yayıb. Onun sözlərinə görə, görüş bu gün olacaq: “Biz Dağlıq Qarabağ münaqişəsinin nizama salınması məsələlərini müzakirə edəcəyik. Biz danışıqlar yolu ilə konfliktin tənzimlənməsinə cəhd edirik”.
Xatırladaq ki, Azərbaycanın xarici işlər naziri Elmar Məmmədyarov və onun erməni həmkarı Edvard Nalbandyan Brüsseldə “Şərq Tərəfdaşlığı”nın xarici işlər nazirlərinin beşinci iclasında iştirak edirlər.
Aqşin Kərimov