Keçmiş müdafiə naziri Tengiz Kitovanı Gürcüstan vətəndaşlığından məhrum olunub.
Modern.az xarici KİV-ə istinadən bildirir ki, bu haqda o özü məlumat verib. Onun sözlərinə görə, hətta Saakaşvilinin ağlına belə onun vətəndaşlıqdan məhrum olunması gəlməsə də, indiki prezident Marqvelaşvili bunu edib. Keçmiş nazir qeyd edib ki, bu bir neçə ay əvvəl baş versə də, bu haqda danışmayıb. Onun fikrincə, əgər o olmasaydı nə Saakaşvili, nə İvanişvili, nə də Marqvelaşvili olmazdılar.
Kitovaninin vətəndaşlıqdan məhrum olunmasının ilkin səbəbi kimi onun ikili vətəndaşlığı göstərilib.
O, həm də Rusiya vətəndaşıdır. Gürcüstan qanunvericiliyinə görə, digər ölkənin vətəndaşlığı olan şəxs avtomatik vətəndaşlıqdan məhrum olunur.
Modern.az