Minsk qrupu formatının genişləndirilməsinə ehtiyac yoxdur. Modern.az erməni mətbuatına istinadla xəbər verir ki, bu barədə Almaniyanın Ermənistandakı səfiri Xans-Yoxen Şmidt bu gün İrəvanda keçirdiyi mətbuat konfransında bəyan edib.
«Siyasi mənada mən hansısa digər mexanizmlər hesabına Minsk qrupu formatının genişləndirilməsini məqsədyönlü hesab etmirəm. Düşünürəm ki, Ermənistan və ATƏT-in Minsk qrupu arasında belə bir razılaşma mövcuddur ki, İrəvan Qarabağ münaqişəsinin həllində həmsədrlərlə işləməyə daha artıq üstünlük verir»,-deyə səfir bildirib.
Diplomat Türkiyənin Qarabağ nizamlama prosesində iştirakı məsələsinə toxunaraq, qeyd edib ki, Ankaranın nizamlama prosesinə cəlb olunması danışıqların effektiv aparılmasına xidmət etməyəcək.
