Yaxın vaxtlarda Parlament Jurnalistlər Birliyinin üzvləri ilə jurnalist deputatların görüşü olacaq.
Bu barədə Modern.az-a Parlament Jurnalistlər Birliyinin (PJB)sədri Elşad Eyvazlı məlumat verib.
Onun sözlərinə görə jurnalist və jurnalist deputatların görüşü hər iki tərəfin istəyidir.
“Milli Məclisdə vaxtilə jurnalist işləmiş xeyli millət vəkili var. Onlar özlərini hələ də jurnalist hesab edir və jurnalistika ilə məşğul olurlar. Bir həmkar kimi jurnalistlərlə jurnalist deputatların görüşü hər iki tərəfin istəyidir. Görüşdə müxtəlif məsələlər müzakirə olunacaq” .
Modern.az
