Arxiv
6 Oktyabr 2009, 19:47 | İQTİSADİYYAT
Mehriban Əliyeva müsahibə verib

Azərbaycanın birinci xanımı Mehriban Əliyeva “Harpers Bazaar” jurnalına müsahibə verib.

- Mehriban xanım, sizin qızlarınız Arzu və Leyla etiraf edir ki, qeyri-rəsmi şəraitdə sizi üç rəfiqə kimi qəbul edirlər. Siz çox tez ana olmusunuz. Bu, sizin həyatınızı necə dəyişdi?
- Leyla dünyaya gələndə mənim 19 yaşım var idi və erkən ana olmağın mənə bağışladığı hədsiz sevinci heç vaxt unutmayacam. İndi mən uç uşaq anasıyam və onların həyatı ilə bağlı olan hər şey mənim üçün qiymətlidir. Onların öz problemlərini mənimlə bölüşmələri sevindiricidir. Lakin mən öz fikirlərimi zorla onların beyinlərinə yeritmirəm, onların şəxsi fikirlərinə hörmətlə yanaşıram və onlar üçün seçim hüququ saxlayıram. Bu, onların həyatıdır və onlar bunu müstəqil şəkildə qurmalıdır.
- Uşaqlığınızı tez - tez xatırlayırsız?
- Mənə elə gəlir ki, uşaqlıq həyatımız özümüzü tam xoşbəxt hiss etdiyimiz bir hissəsidir. Əlbəttə ki, uşaqlıq dövrü başa çatır, lakin təəssüratlar həyatı boyu yadda qalır. Uşaq çağlarında hər şeyi yaxşı qavramaq, mənimsəmək olur. Məsələn, mən indiyədək fortepiano çalmağı və fransız dilini öyrənməməyimə görə peşmançılıq çəkirəm.
- Ailənizdə qadın xətti keçən ənənə varmı?
- Mənim anam ağlasığmaz dərəcədə gözəl qadın olub. O, istənilən yerə daxil olan zaman hamı qeyri - ixtiyarı dönüb ona baxardı. O, hədsiz dərəcədə mehriban və kifayət qədər qapalı qadın idi. Anam Azərbaycanda ilk qadın - professor, şərqşünaslıq üzrə elmlər namizəd idi. Görünür, o, məndə yüksək məsuliyyət hissini formalaşdırmağı bacarıb. Valideynlərim mənə heç vaxt öyüd – nəsihət verməyib. Sadəcə hər şey aydın idi: mən pis oxuya, vəzifələrimə laqeyid yanaşa və pis görünə bilməzdim.
Demək olar ki, bacımla mən ailə ənənələrini tam mənası ilə mənimsəmişik. Bütün bayramlarda, ad günlərində və ya əlamətdar günlərdə biz – üç-dörd nəslin nümayəndələri bir masa arxasında toplaşmışıq. Görünür öz kökünə bağlılıq hissləri də belə yaranır. Eynən də mənim qızlarımda. Həyatlarının böyük hissəsinin xaricdə keçməsinə baxmayaraq, fürsət düşən kimi onlar evlərinə, Azərbaycana qayıdır. Onlarda milli ruh var.
- Sizin qızlarınız xaricdə, Londonda təhsil alıb. Onları ora göndərmək sizin üçün çətin olmadı ki?
- Təsəvvür edin: Arzunun 9, Leylanın isə 11 yaşı var idi. Oğlum Heydər Londonda doğulub və qızlarımız həmin məqamda bizimlə idi. Sonra tədris ili başlandı və mən qərara aldım ki, onlar müvəqqəti olaraq London məktəbində təhsil alsın. Həmin zaman qaynatam Heydər Əliyev Azərbaycan prezidenti idi və təbii ki, müəyyən həyat tərzimiz var idi. İndi mən başa düşürəm ki, o zaman biz ağıllı qərar qəbul etmişik.
İndi onlar beş dildə, doğma Azərbaycan dilindən savayı, rus, ingilis, ispan və fransızca sərbəst danışır. Onlar özlərini dünya vətəndaşı kimi hiss etməyə başladılar. Bütün bu illəri mən qızlarımın evə qayıtmasını gözləyirdim. Lakin Leyla ərə getdi və hazırda Moskvada yaşayır. Arzu isə hələ Londonda təhsil alır.
- İngiltərə kraliçası ilə görüşə gedərkən başınıza qoyduğunuz şlyapanı kimə sifariş vermişdiniz? Qızlarınız seçim etməkdə sizə kömək etdilərmi?
- Xeyir. Kraliça ilə görüş öncəsi xüsusi olaraq heç nə görülməyib. Biz rəsmi səfərə getmişdik. Protokola əsasən şlyapa qoymaq və əlcək taxmaq tələb olunmurdu. Şlyapa dövlət səfəri zamanı zəruridir.
- Siz qızlarınızın məsləhətlərinə qulaq asırsınızmı?
- Bəli, olduqca tez-tez. Qızlarımın köməkliyi ilə mən fəal şəkildə internetdən istifadə etməyə başladım. Və indi kompüterdə işləyərkən köməyə görə, onlara tez-tez müraciət edirəm.
- Sizin himayəniz altında xeyli sayda mədəniyyət və humanitar tədbirlər həyata keçirilir. Bütün bunları necə çatdırırsınız?
- Mən mədəniyyət sahəsində həyat yoldaşım prezident olanadək də layihələr həyata keçirirdim. 1995-ci ildə Azərbaycanın Mədəniyyət Dostları Fondu təsis edildi. Mən Azərbaycanın dünya müstəvisində təkcə neft və qazla zəngin dövlət kimi deyil, həm də musiqi, arxitektura və s. kimi bir çox sahələrdə şedevrlər yaradan ölkə kimi təqdim olunmasını istəyirdim. Mən təbii ki, Heydər Əliyev Fondunun prezidenti kimi fəaliyyətə başlamışam. Fondun işinin prioritet istiqamətləri təhsil, səhiyyə, mədəniyyət və sosial sahələrdir.
- Sizin şəxsi iştirakınızla tarixi mərkəz Bakı yenidən qurulur
- Bakı orjinallığı və bənzərsizliyi ilə fərqlənir. Onun bugünkü görünüşü isə böyük peşəkar komandanın əməyinin nəticəsidir. Bakıda baş verən dəyişikliklərin təşəbbüsçüsü Azərbaycan prezidentidir. Mənə elə gəlir ki, İlham kimi Bakıya olduqca vurğun olan insan tapmaq çətindir. İş rejiminin olduqca gərgin olmasına baxmayaraq, o, Bakıdakı dəyişikliklərdə iştirak etməyə vaxt tapır. Bakı həmişə gözəl şəhər olub və özündə qədimliyi və müasirliyi təcəssüm etdirib. Lakin bugün gördüyümüz bakılıların iftixar mənbəyidir.
- Xalçalara qarşı maraq hiss edirsiniz? Sizin qədim xalçalarınız varmı?

- Mənim ümumiyyətlə maddi şeylərə marağım yoxdur. Xalçalara gəldikdə isə, bu, hər bir azərbaycanlı üçün həyatın ayrılmaz hissəsidir. Zənnimcə, qədim xalçalar müzeylərdə olmalıdır.
- Siz müasir incəsənət muzeyinin təşəbbüskarı olmusunuz...
- Müasir incəsənət muzeyi sadəcə zəruri idi. Azərbaycanda daima çox yaxşı rəssamlar olub, lakin Sovet hakimyyəti dövründə sənət əsərlərinin bir hissəsi ideoloji düşüncə baxımından nümayiş etdirilməmişdi. Müstəqilliyin ilk dövrlərində isə dövlətin incəsənəti tam həcmdə dəstəkləmək üçün imkanları yox idi. Buna baxmayaraq biz muzey yarada bildik.

Arzu Əliyeva

Moda haqqında

- Bacımla ilk stil dərslərimi anamızdan ibrət götürərək uşaq vaxtlarımızdan almışıq. O geyinirdi, bəzənirdi və daranırdı, biz isə oturub ona baxırdıq. Anam bizə konkret olaraq heç bir təlimat verməyib, lakin böyüdükcə biz qeyri - ixtiyari olaraq onun üslubunu yamsılamağa başladıq.

Anası haqqında

- Anam bizim üçün geyim seçməyi bacarır. Hətta biz yanında olmayanda belə. O seçiləcək geyimin bizim ölçümüzə olub - olmadığını dəqiq qiymətləndirir və heç vaxt seçimində yanılmır.

Özü haqqında

- Əgər biz ailəlikcə harasa gediriksə, birlikdə hazırlaşırıq, bir-birimizə məsləhət veririk. Mən adətən fərqlənməyə çalışıram. Bu o qədər də asan deyil.

Leyla Əliyeva

Moda haqqında

- Mənim üslubumu nə Moskva, nə də Bakı üslubu adlandırmaq olar. Çox güman ki, bu, London stilidir. Axı mən İngiltərədə böyümüşəm. Londonda geyimə çox vaxt sərf etmirlər. Cins, krossovka, vəssalam. Moskva və Bakıda isə qarderoba ciddi yanaşırlar. Bu, sevindiricidir.

Anası haqqında

-Anam nə geyinməyin, nəyin uyğun olduğunu həmişə yaxşı bilir. Problemlərim yarananda, məsləhət üçün ona müraciət edirəm. Başqa heç kimə.

Özü haqqında

- Bəzən biz mağazalara birgə gedirik. Lakin təəssüf ki, bu olduqca nadir hallarda baş verir. Mən geyimi ilk olaraq “dəbdədir və ya dəbdə deyil” prinsipinə görə deyil, “yaraşıb-yaraşmır” prinsipinə əsasən seçirəm. Bizim üçümüzün də ölçləri eynidir və bu səbəbədən adətən biz paltarlarımızı dəyişirik. 

BU KATEQORİYADAN OLAN DİGƏR XƏBƏRLƏR
+ Arxiv
Suriya ordusu hərəkətə keçdi 19 Avqust 2019, 00:33 Sakit Okeanda güclü zəlzələ 19 Avqust 2019, 00:14 Qax sakini Şəkidə faciəvi şəkildə öldü 18 Avqust 2019, 23:52 Xəzərdə batan 2 əcnəbi xilas edildi 18 Avqust 2019, 23:38 Vəkillə təhsil eksperti arasında qalmaqal: Onun barəsində “Mafioz vəkil”...” 18 Avqust 2019, 23:15 Psixiatriya xəstəxanasının pasienti 4 nəfəri öldürdü 18 Avqust 2019, 23:02 Almaniyada insanlara bıçaqla hücum: 2 ölü 18 Avqust 2019, 22:43 “Səbail”  “Zirə”ni məğlub etdi 18 Avqust 2019, 22:17 İsgəndər Həmidovun məhkəməsində çıxış əvəzi LƏTİFƏ  18 Avqust 2019, 22:03 Azərbaycan güləşçisi erməniyə qalib gəldi 18 Avqust 2019, 21:38 Futbolda qanlı olay: 3 nəfər öldü 18 Avqust 2019, 21:19 Türkiyədə terrorda şübhəli bilinən 10 nəfər saxlanıldı 18 Avqust 2019, 21:01 "Düşmənin fəaliyyəti müxtəlif kalibrli silahların nişangahı altındadır" - Müdafiə Nazirliyi 18 Avqust 2019, 20:44 Xarici İşlər Nazirliyindən Sudana təbrik 18 Avqust 2019, 20:30 Vilayət Eyvazov iki rayona rəis təyin etdi 18 Avqust 2019, 20:17 Yanğın 15 min evi külə döndərdi: 50 min insan küçələrdə qaldı - VİDEO 18 Avqust 2019, 20:01 Bakıda intiharın qarşısı alındı 18 Avqust 2019, 18:02 Qənirə Paşayeva afrikalı siyasətçilərə köçkün qadınlardan danışıb    18 Avqust 2019, 17:30 DİM dövlət qulluğuna qəbul imtahanının nəticələrini açıqladı 18 Avqust 2019, 17:23 Ordumuz düşməni nişangah altında saxlayır - Müdafiə Nazirliyi 18 Avqust 2019, 17:08 “İsgəndər Həmidovu ölüm cəzası gözləyirdi” - Sabiq nazirin vəkili DANIŞDI 18 Avqust 2019, 16:28 Mehriban Əliyevadan şəhidlərə böyük ehtiram - FOTOLAR 18 Avqust 2019, 15:58 Əxlaqsız qadınların Bakıdan Dubaya axını azalıb - SƏBƏBLƏR 18 Avqust 2019, 14:56 “Linfild”-“Qarabağ” oyununun hakimləri bəlli oldu 18 Avqust 2019, 14:32 Şeyxülislamın 40 ildə imza atdığı İLKLƏR - Qorbaçovu rüsvay edib, vəhdət namazı qıldırıb, imam üçün qan verib... 18 Avqust 2019, 14:03 Şair Oqtay Rza vəfat etdi 18 Avqust 2019, 13:38 Oğlunu, arvadını və qayınanasını yandıran şəxs tutuldu – RƏSMİ 18 Avqust 2019, 13:30 Şəmkirdəki yanğının TƏFƏRRÜATI – Ata evə od vurdu, oğlu öldü, arvadı yandı... 18 Avqust 2019, 12:57 Sabah 39 dərəcəyə qədər isti olacaq - PROQNOZ 18 Avqust 2019, 12:31 Tanınmış jurnalist nazirə müraciət etdi: “Torqovı” biabırçılıqdı... 18 Avqust 2019, 12:16 İslam təslimiyyət kimi - Ağalar Qutun YAZISI 18 Avqust 2019, 11:57 Bakıda 66 yaşlı qadın ölümdən xilas edildi 18 Avqust 2019, 11:30 Azərbaycan Sərhəd Mühafizəsinin 100 yaşı tamam olub 18 Avqust 2019, 11:20 Bir şəklin tarixçəsi: Milli Ordumuz Xankəndinə girməyə hazırlaşırdı - FOTO 18 Avqust 2019, 11:01 Bakıda ağırçəkili sakini 8-ci mərtəbədən kranla düşürdülər 18 Avqust 2019, 10:58