Modern.az saytı xəbər verir ki, Azərbaycanda səfərdə olan Litva nümayəndə heyəti bu gün Quba kütləvi məzarlığında olub. Bu ölkənin parlamentinin komitə rəhbərləri, deputatları və digər rəsmilərindən ibarət nümayəndə heyətinə Litvanın mədəniyyət naziri Arunas Qelunas başçılıq edir.
Səfər barədə Modern.az saytına məlumat verən deputat Fuad Muradov qeyd edib ki, qonaqlar kütləvi məzarlıqda gördüklərindən dəhşətə gəliblər: “Onar belə vəhşiliyin insan tərəfindən törədilməsinə heyrət etdilər. Belə hadisələrin yenidən təkrarlanmaması üçün çalışacaqlarını bildirdilər. Həmçinin ermənilər tərəfindən azərbaycanlıların başına gətirilən soyqırımlarla bağlı xüsusi qrup yaradılacaq və bu qrupun Azərbaycana səfəri fözlənilir”.
Modern.az
