Milli Məclisin deputatı Fuad Muradov hər il olduğu kimi bu il də seçildiyi Səbail rayonunun az təminatlı ailələrinin uşaqları üçün növbəti qış düşərgəsi təşkil edib. Modern.az xəbər verir ki, 30 nəfərin qatıldığı düşərgədə gənclər asudə vaxtlarını səmərəli keçirmək üçün müxtəlif oyunlar, intellektual yarışmalar keçirəcəklər. Düşərgənin əsas məqsədi yeni il ərəfəsində gənclərə asudə vaxtın səmərəli təşkili üçün şərait yaratmaq və aktual mövzular haqqında müzakirə aparmaqdır.
Bu il təşkil olunan düşərgənin mövzusu “Mənim Qəhrəmanım” seçilib. Düşərgə zamanı iştirakçılara Azərbaycanın milli qəhrəmanları, Azərbaycan tarixi, milli atributlar barədə təlimlə keçiriləcək. Bundan başqa uşaqlara 2015-ci ildə Bakıda keçirləcək Avropa Oyunlarınd könüllülük imkanları barədə geniş məlumat veriləcək.
Qış Düşərgəsi çərçivəsində deputat Fuad Muradovun iştirakı ilə futbol yarışının keçirilməsi nəzərdə tutulub.12 dekabrda açılan düşərgə bu ayın 14-nə qədər davam edəcək.