Azərbaycan Respublikasının Dövlət Neft Şirkəti (SOCAR) baş sponsoru olduğu "Neftçi" klubunun prezidenti Sadıq Sadıqovun vəzifəsindən istefa verdiyinə dair xəbərlərə münasibət bildirib.
Qurumun mətbuat xidməti və ictimaiyyətlə əlaqələr şöbəsindən Modern.az-a verilən açıqlamada məlumatı təkzib ediblər.
Bildirilib ki, heç bir istefadan söhbət getmir: "Sadıq Sadıqov hazırda "Neftçi" İdman Klubunun rəhbəridir, eyni zamanda, "Neftçi" Peşəkar Futbol Klubunun prezidentidir. "Neftçi" PFK "Neftçi" İdman Klubunun tərkibinə verilib. Bununla əlaqədar bəzi nizamnamə və struktur dəyişiklikləri gözlənilir. Bu barədə ictimaiyyətə əlavə məlumat veriləcək",-deyə açqlamada bildirilib.
Martın 30-da bəzi internet KİV-lərində S.Sadıqovun “Neftçi”nin prezidenti vəzifəsindən istefası və yazıçı Çingiz Abdullayevin bu vəzifəyə təyin edilməsi barədə məlumat yayılmışdı.
Modern.az
