Milli Məclisin Sosial siyasət komitəsinin sədri Hadı Rəcəbli Lənkəranda durumu çətin olan insanlarla görüş keçirib. Deputatın qərargahından Modern.az-a bildirilib ki, H.Rəcəbli görüşdə onların arzu və istəklərini dinləyib, Əmək və Əhalinin Sosial Müdafiəsi Nazirliyi tərəfindən həyat keçirilən sosial müdafiə yönümlü addimların önəmini qeyd edib və bunun dövlətin daim diqqət mərkəzində oldugunu vurğulayıb.
H.Rəcəbli bildirib ki, dövlət tərəfindən əlil və fiziki imkanları məhdud olan insanların sağalması və cəmiyyətə inteqrasiya olunması üçün lazım olan bütün tədbirlər görülür. Reabilitasiya sahəsində aparılan ardıcıl işlərdən danışan millət vəkili vurğulayıb ki, burda da mövcud olan qanunvericilik aktları, derektiv sənədlər, əmr və sərəncamlar müvəfəqiyyətlə həyata keçirilir. O qeyd edib ki, Paraolimpiya Oyunlarında əlil idmancıların uğurlu iştirakı sevindirici haldır.
