“Azərbaycan Rusiya üçün əhəmiyyətli partnyordur. Bu, təkcə dövlətlərin Xəzər regionu üzrə qonşu olması ilə məhdudlaşmır”.
Modern.az saytının məlumatına görə, bunu Rusiya Sənaye və Ticarət Palatasının vitse-prezidenti Georgi Petrov deyib.
O qeyd edib ki, Azərbaycan Rusiyanın həm də iqtisadi sahədə, xarici ticarət nöqteyi-nəzərindən önəmli tərəfdaşıdır.
Georgi Petrov bildirib ki, Rusiyada Azərbaycanın investisiyalarını görməsindən məmnunluq duyur.
Vitse-prezident Qərbin Rusiyaya qarşı sanksiyalar tətbiq etməsindən sonra Azərbaycan üçün əlavə imkanlar yarandığını da söyləyib:
“Rusiya bu sanksiyalara cavab tədbirləri görməyə təhrik edilir. Söhbət əsasən, meyvə-tərəvəz məhsullarından gedir. Azərbaycan kənd təsərrüfatı məhsullarının ənənəvi və çoxdankı təchizatçısıdır. Düşünürəm ki, Azərbaycan şirkətləri yaranmış imkandan uğurla istifadə edir”.
Aqşin Kərimov
