Arxiv
29 Aprel 2015, 12:33 | AKTUAL
Yalanlar “sezon”u

Türkiyədə hər zamankı kimi çox maraqlı seçki yarışması start götürüb və seçkilərin əsas qabarıq cəhətlərindən biri olaraq diqqətə gələn dəbdəbəli, amma qeyri-inandırıcı proqram üzərində siyasi reklam, bir azdan oxşar şəkildə Azərbaycandakı  parlament iddialılarının təbliğat kampaniyasında da ortaya çıxacaq.

Əslində çox yerdə və həmişə seçkilərin xüsusiyyəti belədir: öz auditoriyana bacardıqca yalan de, vədlərin seçicini məftun etsin və şişirdilmiş  proqramının cazibəsi  səni  müəyyən uğurlara daşısın. Başqa sözlə, seçki prosesində hamıda avaz yaxşı gəlir, amma oxunan Quran olsaydı.

Böyük sosial-iqtisadi-hərbi problemləri olan ölkələrin demək olar ki, əksərində, beş ildən bir təkrarlanan qızğın siyasi mübarizədə siyasətçilər fantastik qərəmləri, qəlp vədləri seçki kampaniyasının gurultulu şüarına çevirməklə, kütləni əslində içiboş bir sövdələşməyə dartırlar.


Alternativ proqramlarda bəzən  Avropa modelindən də kənara çıxan uğurlu  sosial həyat, qayğısız gələcək təklif edilir ki, əslində bunun adı mədəni  hiylədir və iddialı komanda, lider, fərd siyasi reklamını cəfəng vədlər üzərində qurmaqla,  səs verən təbəqəni sadəcə, məst etməyə çalışır. Məhz elə bu qədər bəsit.

Çalışır ki, mümkün fiasko ehtimalından  özünü seçicinin aktiv, onu irəli çıxaran  pozitiv mövqeyi ilə qoruya bilsin. Yoxsa ki,  qulağa xoş gələn, müsbət emosiyalara səbəb olan “cənnət içərisində həyat” sözverməsinin əsl  tərəfində, nə səmimiyyət, nə deyilən qədər mümkünlük, nə də bunun real qaynağı dayanır. Mükəmməl seçki platformalarının xalqa toxluq, bolluq, topsuz, tüfəngsiz, qansız-qadasız həyat  vəd edən heç bir müddəası gerçəkliyə tətbiq olunmayıb.

Bu mədəni  hiylə öz işini görüb qurtardıqdan sonra kütlə, toplum fərdləri ilə əlaqə qırılır, “yağ içində üzmək” vədləri hafizələrdə izini də saxlamır. Qarabağ və PKK məsələsinin çozümü böyük güclərin ixtiyarında olan məsələyə çevrilir və psevdosiyasətçilərin seçkidə elan edilən “hərbi kəşfləri”, lovğa həll metodları sonradan  zibil qutusuna atılmalı olur.

Növbəti beş ilin tamamına doğru isə səs təmənnası seçənlə seçilənin arasındakı məsafəni təkrar qısaldır.  Toz basmış deputat və seçici otaqlarının qapısı hiss edilən bir “qayğı” ilə vətəndaşların üzünə açılır, bir çox millət vəkilləri əzabkeş obrazda üzünü göstərməyə başlayır.

Bu gün Milli Məclisin üzvləri arasında öz sözünün ağası olmaq naminə  nazirlərin, icra başçılarının  qapılarını döyə-döyə istədiyini almağı bacaran qənirə paşayevlər çox olmadığı üçün, çönüb bir daha xalqa baxmaq istəyənlərin, onunla qılıqlı dili tərcih edənlərin rəftarındakı dəyişikliyi görməmək mümkün deyil. Çünki növbəti seçki zamanı yetişib. Yenidən kütləyə yaxınlaşmaq, yenidən fantastik, gurultulu vədlərə sığınmaq zamanıdır.  Əksəriyyət fürsət düşəndə mətbuat çıxışlarını hesabat xarakterli qurmağa meyllənir və beş ilin hesabatını qüsursuz təqdim etməyə çalışanlar niyəsə səmimi olmağı bacara bilmirlər.    

Türkiyə siyasətində yalanlar “sezon”u Azərbaycandan bir qədər tez başlayıb. AK partiyanın rəqibləri seçki platformalarında ilk baxışdan populist təsir bağışlayan və ümumiyyətlə, qaynağı bəlli olmayan ideal sosial həyat şüarları ilə hakim partiyanın seçki kampaniyasını alt-üst etmək niyyətinə düşürkən, əslində onların icra edilən və masa üzərində icra sırasını gözləyən  real projelərinə uduzurlar.

Hakim partiyanın “Onlar konuşur, biz yaparıq” şüarının qaynağı da gerçəklikdir və bu komanda son illərdəki yanlışlara, radikal addımlara rəğmən, toplumun zehniyyətinə fantastika ilə girməyi taktik etmir.  

Diqqət etsək, nə Türkiyədə, nə Azərbaycanda hakimiyyətdə olan komandanın  seçki təbliğatı kommunizm ictimai-iqtisadi formasiyasına xas ideal həyat standartlarına söykənir. Doğrudur, onlar da ədalı vədlərin öhdəsindən gəlməyib, yaxud gəlmək istəməyib seçici qarşısına gözükölkəli çıxır. Amma yoxsulun həssas  damarını tutmaq naminə vacib kommunal məhsullar üzərinə, nə gerçək olaraq, nə də sadəcə,  kəlmələrin ucunda pulsuzluq möhürü basılmır.   

Seçki prosesləri çox zaman üst-üstə düşən hər iki ölkənin iqtidara alternativlik edən qüvvələri isə vətəndaşa elektrik enerjisi, qaz, su, internet və təhsilin pulsuz olacağını, mazutun, benzinin əhaliyə aşağı qiyməyətə satılacağını, imkansız təbəqənin kredit borclarını silmək və yaxud, faizləri maksimum aşağı salmağı, həmçinin, etnik, ərazi münaqişələrinin dərhal çözülməsini  bütün seçkilər boyunca vəd edir. Halbuki Türkmənistan istisna olmaqla, heç bir neft ölkəsi milli sərvətlərini vətəndaşına pulsuz vermədiyi halda,  neft, qaz resurslarına sahib olmayan Türkiyədə kommunal ehtiyacları pulsuz etmək yalnız proqram üzərində xəyali müddəa ola bilər.

Etnik separatizm, ərazi münaqişəsinin çozümü, terrorizm bəlasından xilas vədləri üzərində hakimiyyətə gələn Türkiyə və Azərbaycan iqtidarlarının bu istiqamətdəki fəaliyyəti nədirsə, sosial şüarlar fantastikası müəlliflərinin  millətə verə biləcəkləri nəticə də elə odur.  

Türkiyədə kürd, Azərbaycanda erməni məsələsi ilə necə güclü  liderlər məşğul oldu, vurulmuş düyün illərdir açılmır, indi dəyirmi masalarda, tribunalarda seçki təbliğatı aparanların hərb, yaxud, sülh konsepsiyaları bu gerçəklik fonunda gülməli nağıllara bənzəyir...

Seçki hərrac deyil. Amma, belə görünür ki, seçkilərin əsas sütünu olan xalqla illərdir,  hərrac qaydalarında oyun oynanılır. Kim ki,  kütləni daha çox özünə sarı çəkmək istəyir, ona başından da böyük vədlər verir.  Cəfəngiyyat üzərində seçki təbliğatı isə  kütlənin az bir hissəsinin ağlını qarışdıra bilər. Böyük çoxluğun bu yalanlara cavabı ironiyadan başqa heç nə ola bilməz. Belə olan təqdirdə isə seçilib oturanın səslərində xalqın payı olmaz, seçilmək istəyən digərininsə mandat xəyalları suya düşüb islanar...

BU KATEQORİYADAN OLAN DİGƏR XƏBƏRLƏR
+ Arxiv
Elmar Məmmədyarov: “Münaqişənin həllində heç bir konkret irəliləyiş yoxdur” 5 Dekabr 2019, 18:38 Nurlana Əliyeva “Naxçıvan” Universitetinə rektor təyin olundu - SƏRƏNCAM 5 Dekabr 2019, 18:25 İlham Əliyev Şamaxıya səfər etdi 5 Dekabr 2019, 18:16 Şəhid övladları prezidentə məruzə etdilər - Birinci vitse-prezident kövrəldi - VİDEO 5 Dekabr 2019, 18:10 Nazir polkovniki təqaüdə göndərdi 5 Dekabr 2019, 18:01 İpoteka və Kredit Zəmanət Fondunun büdcəsi təsdiq edildi 5 Dekabr 2019, 17:53 Heydər Əliyev Fondu Moskvada xüsusi mükafata layiq görüldü - FOTO 5 Dekabr 2019, 17:51 “Vətən məndən başlanır” - UNEC  5 Dekabr 2019, 17:42 Həmyerlimiz Pentaqonda yüksək vəzifəyə təyin olunub 5 Dekabr 2019, 17:30 Məhəmməd Hadinin 140 illik yubileyi qeyd olunacaq - SƏRƏNCAM 5 Dekabr 2019, 17:28 Xəzər rayonunda yol tikintisinə 11,8 milyon manat ayrıldı 5 Dekabr 2019, 17:28 Piyadanı öldürüb qaçan sürücü tutuldu 5 Dekabr 2019, 17:26 Ermənistanda sabiq Baş prokurora 5 cinayət işi açıldı 5 Dekabr 2019, 17:23 Prezident xalq artisti Əlibaba Məmmədovla bağlı sərəncam verdi 5 Dekabr 2019, 17:21 Polis olmaq istəyənlərin NƏZƏRİNƏ 5 Dekabr 2019, 17:16 Nazirlər Kabinetinin Aparatında yeni TƏYİNAT 5 Dekabr 2019, 17:08 YAP bütün partiyaları növbədənkənar seçkilərə ÇAĞIRDI 5 Dekabr 2019, 17:02 Prezident parlamenti buraxdı, növbədənkənar seçkilərin vaxtını təyin etdi - SƏRƏNCAM 5 Dekabr 2019, 16:40 QHT-lər hərbi vətənpərvərlik işinə cəb edilir 5 Dekabr 2019, 16:30 Ermənistanın 1-ci prezidentinə qarşı da cinayət işi açıla bilər 5 Dekabr 2019, 16:28 Polis bu meyitin yaxınlarını axtarır - FOTO 5 Dekabr 2019, 16:26 “Tural Gəncəliyevə dedik ki, arxanda biz dayanmışıq, heç nədən çəkinmə!” - DEPUTAT 5 Dekabr 2019, 16:18 Dünyada 432-ci, Azərbaycanda 1-ci- UNEC 5 Dekabr 2019, 16:18 AMEA-nın Biologiya və Tibb Elmləri Bölməsində iclas keçirilib 5 Dekabr 2019, 16:07 Şenol Günəş Bakıya gəldi 5 Dekabr 2019, 15:53 Bakıda 85 min manatlıq domofon avadanlığı oğurlayanlar tutuldu 5 Dekabr 2019, 15:48 Ceyhun Bayramov müsabiqə ƏMRİ verdi 5 Dekabr 2019, 15:43 Ağdaşda 37 yaşlı kişi su kanalına düşdü 5 Dekabr 2019, 15:38 Eks-nazir: “Əgər partiyamız məsləhət bilsə ki, yeni parlamentdə fayda verə bilərəm...” - MÜSAHİBƏ 5 Dekabr 2019, 15:33 Bakıda 2, regionlarda 1 "ASAN xidmət" mərkəzi açılacaq 5 Dekabr 2019, 15:27 Orta məktəb müəllimi dünya çempionu oldu - FOTO 5 Dekabr 2019, 15:23 Azərbaycanda “Turizm Könüllüləri” Təşkilatı təsis olundu 5 Dekabr 2019, 15:16 Sarkisyan: “Qarabağ danışıqları fonunda məni “aradan çıxarmaq” istəyirlər” 5 Dekabr 2019, 15:08 Bu rayonlara qar yağdı - Faktiki hava   5 Dekabr 2019, 15:00 Şamaxıda bu gün "ASAN xidmət" Mərkəzinin açılışı olacaq 5 Dekabr 2019, 14:55
SORĞU Azərbaycan TV-lərində bu verilişlərdən ən çox hansına baxırsınız?