Nepalda xilasetmə əməliyyatları zamanı 5 gün dağıntılar altında qalan yeniyetmə xilas olunub.
Modern.az xarici mətbuata istinadən xəbər verir ki, Pemba Tamanq adlı gənc 7 mərtəbəli binanın dağıntıları altından çıxarılıb. Toz içində olan və dərin şok keçirən yeniyetməni çıxartmaq üçün bir neçə saat vaxt sərf olunub.
Nepallı xilasedicilər Pemba Tmanaqın çökən binanın 2 bloku arasında yerləşən boşluğa düşməsinə görə sağ qaldığını deyiblər. Möcüzə nəticəsində sağ qalan yeniyetmə xəstəxanaya yerləşdirilib.
Nepalda aprelin 25-də baş verən 7,9 bal gücündə zəlzələ nəticəsində ölənlərin sayı 6 mini keçib.
Modern.az
