Modern.az

Milli Məclisin ilk iki iclasının gündəliyi açıqlandı

Milli Məclisin ilk iki iclasının gündəliyi açıqlandı

Parlament

24 Sentyabr 2010, 17:48

Milli Məclisin payız sessiyasının plenar iclası daxili nizamnaməyə uyğun olaraq sentyabrın 30-da başlayacaq. Bunu Modern.az saytına açıqlamasında Milli Məclisin mətbuat xidmətinin rəhbəri Akif Təvəkküloğlu bildirib. O, qeyd edib ki, Milli Məclisin qanunvericilik işlər planına 12 məsələ daxildir.
A.Təvəkküloğlu bildirib ki, qanunvericilik işlər planına Azərbaycan Respublikası Prezidenti, Azərbaycan Respublikası Ali Məhkəməsi, Baş prokuror, Naxçıvan Muxtar Respublikası Ali Məclisi və digər qanunvericilik təşəbbüsilə çıxış edən qurumların təqdim etdikləri qanun layihələri daxildir.

Milli Məclisin sentyabrın 30 və oktyabrın 8-də keçiriləcək iclaslarında isə 34 sənəd müzakirə olunacaq.

“Bundan başqa, dövlət büdcəsinə daxil olan qanun layihələri, Tikinti Məcəlləsi, Şəhərsalma Məcəlləsi, Gömrük Məcəlləsi, “İnvestisiya Fondu haqqında” qanun layihəsi, “Kənd təsərrüfatı kooperasiyası haqqında” qanun layihəsi, “Bələdiyyələrin hesabatı haqqında” qanun layihəsi, bəzi rayonların inzibati ərazi bölgüsünə qismən dəyişikliklər barədə, “Elm siyasəti haqqında” qanun layihəsi, “Ali təhsil haqqında” qanun layihəsi, “Bəzi qanunlara əlavə və dəyişikliklər haqqında” qanun layihəsi, İnsan Alverinə qarşı Komisiyanın illik hesabatı və s. məsələlər plenar iclasın gündəliyindədir”-deyə A.Təvəkküloğlu bildirib.

Milli Məclis sözçüsü qeyd edib ki, qarşıdan parlament  seçkiləri gəlir və deputatların çoxu namizədliklərini irəli sürüblər: “Hesab edirəm ki, deputatlarımız sonadək üzərlərinə düşən vəzifəni layiqincə yerinə yetirəcəklər”.

Modern.az      

Instagram
Gündəmdən xəbəriniz olsun!
Keçid et
ANBAAN GÖRÜNTÜLƏR- Ukrayna rus əsgərlərini belə əsir götürdü