Yazıçı-publisist, tərcüməçi Mahir Qabiloğlu Azərbaycan prezidentinin qızı, Heydər Əliyev Fondunun vitse-prezidenti Leyla Əliyevanın növbəti şeirinin tərcüməsini Modern.az saytına təqdim edib. “Qaçırrq, uçuruq, tərk edirik” adlı şeiri oxucuların ixtiyarına veririk.

(Мы бежим, мы летим, мы уходим)

Ömür boyu, gün boyu
harasa tələsirik.
Qaçırıq, lap uçuruq,
sondasa... ən sondasa
torpaqları qucuruq...
Bu dünyada necə də
zəifik, əlacsızıq...
Həm də sevgi acıyıq –
sevgidən heç doymuruq.
Can atırıq sulara,
ən əngin ümmanlara...
İri gəmilər bizi
alıb aparır ora...

Biz qaçırıq... uçuruq... –
Səs salır mühərriklər,
nalə çəkir maşınlar... –
Çox çətin olsa belə
bu səs-küyün içində
qəlbimizə tuşlanan,
qəlbimizi ağrıdan
hər cürə baxışları
ürəkdən yan edirik –
Qıymayırıq ürəyə...
Hansı daha asandır? –
Ürəyi boş saxlamaq,
Yoxsa, omrün sonuna
dolu ürəklə varmaq?..

Uçaqlar havalanır,
bizsə onun içində...
Uçuruq – tez çatmaqçun,
tələsirik harasa...
Amma inanmaram ki,
uçmaqçun yarananlar
tələsələr bizimtək...
Bu cür qovhaqovlarda,
yuxu da bizdən bezar...
Bəsirət gözümüzün
işığı avazıyar... –

Bu yüyrək sətirləri
tez-tələsik yazıram;
Çünki mənə deyiblər
“beşcə dəqiqən qalıb!”
Yazaram, yaddan çıxar,
nöqtələr qoymaq, hətta...
Neynək, kimə lazımsa
nöqtəsiz də anlayar...

Bu şeir parçasını,
ayaqüstü yazsam da,
Qələm yağ kimi gedir...
Çünki şeir ruhumun
zirvəsindən süzülür.
Bəzənsə təntiyirəm,
ruhun burulğanında...
Amma ki, şeirlərim
nə olsa da, qarışmaz
taleyin gur selində...

Ey dostum, mən gedirəm,
di sağ ol, salamat qal..!
And olsun ki, sevmirəm
“Əlvida” söyləməyi.
Amma hey mənimlədir
sənli xatirələrim,
Yəqin varaqlayacam,
vaxt-vədəsi çatanda...

İllər uçub gedəcək,
yel kimi, rüzgar kimi...
Lap çoxdan unutduğum,
günlər yada düşəcək.
Başa düşəcəyəm ki,
çox nahaq tələsmişəm.
Soruşacam özümdən:
“Axı niyə? Haraya?”

Amma bu günə qədər
bu saysız suallara
cavab tapmamışam mən.
Həyat tapmacasını
tapmağa, axtarmağa
bir an belə vaxtım yox...
İndisə göz yumuram
bu həyata əbədi..!
Siz Allah bağışlayın,
əcəl durub qapıda...
Tələsirəm... – vaxt qısa...

Rus dilindən çevirəni: Mahir Qabiloğlu