1992-ci il mayın 18-də Azərbaycanın Laçın rayonu Ermənistan silahlı qüvvələri tərəfindən işğal edildi. Artıq 23 ildir işğal alında olan rayona bu illər ərzində bir sıra xarici fotojurnalistlər və ekspertlər səfər ediblər. Laçına Ermənistandan süni əhali köçürülməsini nəzərə almasaq, 23 illik işğal müddətində Laçının hələ də dağıntılar içində olduğunu görmək olar.
Yaxın tarixdə Azərbaycanın işğal altındakı ərazisinə gəlmiş İngiltərədə çalışan milliyətcə erməni fotojurnalist Onnik Krikoryan Laçının fotolarını çəkərkən “sakinlərin” ümidzilik içində olduğunu və Laçının isə hələ də müharibənin yaralarını simasında gəzdirdiyini müşahidə edib.
Modern.az saytı fotojurnalistin ayrı-ayrə vaxtlarda işğal altındakı Laçında çəkdiyi fotoları təqdim edir.
Vüqar İsmayılov