"Avro-2016"nın seçmə mərhələsində VI turun oyunları davam edir. D, F və İ qrupunda da növbəti oyunlar keçirilib.
İ qrupunda Portuqaliya millisi Erməistanın qonağı olub və rəqibini 3:2 hesabı ilə məğlub edib. Qonaqların heyətində Kriştiano Ronaldo het-trik edib. Qrupun digər oyununda Danimarka Serbiyanı məğlub edib – 2:0.
F qrupunda Finlandiya öz meydanında Macarıstana uduzub – 0:1. Şimali İrlandiya Rumıniyanı qəbul edib. Görüşdə qapılara qol vurulmayıb. Yunanıstan yığması isə səfərdə Farer adalarına uduzub – 1:2.
D qrupunda Gürcüstan millisi səfərdə Polşaya darmadağın olub – 0:4. Son dünya çempionu Almaniya Cəbəllütariqlə üz-üzə gəlib. Yoahim Lövün komandası rəqibinə aman verməyib – 7:0.
İrlandiya - Şotlandiya matçında isə qalib müəyyənləşməyib -1:1.
***
Bu gün C, E və G qruplarında oyunlar keçiriləcək.
C qrupunda son Avropa çempionu İspaniya səfərdə Belarusun qonağı olacaq. Qrupun digər oyunlarında Slovakiya Makedoniyanı, Uktayna Lüksemburqu qəbul edəcək.
E qrupunun lideri İngiltərə səfərdə Sloveniya ilə münasibətlərinə aydınlıq gətirəcək. Qrupdakı digər oyunlara gəlincə Estoniya San Marinonu, Litva İsveçrəni qəbul edəcək.