Rusiya prezidenti Vladimir Putinin ölkənin strateji nüvə qüvvələri barədə verdiyi açıqlama ABŞ-da narahatlıq yaradıb.
Modern.az saytı xarici KİV-ə istinadən xəbər verir ki, bu barədə ABŞ dövlət katibi Con Kerri danışıb.ABŞ rəsmisi deyib ki, Vladimir Putinin bəyanatı onu narahat edir:
“Güclü bir dövlətin başçısından belə bəyanat eşidib və bunun nəticələri barədə narahat olmamaq mümkün deyil”,-deyə o bildirib.
Dövlət katibi söyləyib ki, Kreml rəhbərinin açıqlamasını Rusiyanın özünü nümayiş etdirməsi kimi dəyərləndirmək olar.
Qeyd edək ki, Vladimir Putin"Ordu -2015" Beynəlxalq hərbi-texniki forumun açılışında bildirib ki, cari ildə istənilən hədəfi məhv edə biləcək 40-dan çox yeni qitələrarası ballistik raket Rusiya ordusuna veriləcək. Onun bu açıqlaması dünya üçün yeni hədə kimi şərh edilir.
Aqşin Kərimov