Ermənistanın vilayətlərindən paytaxtda elektrik enerjisinin qiymətinin artırılmasının əleyhinə keçirilən etiraz aksiyaları ilə bağlı situasiyanı nəzarətdə saxlamaq üçün xüsusi hərbi dəstələr gətirilir. Modern.az Ermənistan KİV-nə istinadən bildirir ki, bu haqda Müdafiə Nazirliyindəki mənbə məlumat verib. Mənbənin bildirdiyinə görə, paytaxta artıq İcevandan belə dəstə gəlib. Yerevana gətirilən hərbçilər Nubaraşendəki hərbi hissəyə yerləşdirilib və situasiya gərginləşəcəyi təqdirdə hücum əmri gözləyirlər.
Hazırda Yerevanın “Azadlıq” meydanında 10 mindən çox etirazçının iştirak etdiyi aksiya davam edir. Etirazçılar bir dəfə Prezident Rezidensiyasına tərəf irəliləməyə cəhd etsələr də, Baqramyan prospektinə yerləşdirilən polislər bunun qarşısını alıb. Təşkilatçılar tərəfdarlarına gecə meydandan dağılmamağı xahiş edib.
Modern.az