Oktyabrın 6-da “Trend” informasiya agentliyinin konfrans zalında 4-cü Azərbaycan Beynəlxalq Təhsil və Karyera Sərgisinin açılışına həsr olunmuş mətbuat konfransı keçirilib.
Tədbirdə iştirak edən təsil naziri Misir Mərdanov bildirib ki, artıq 4-dəfədir ki Təhsil Nazirliyinin dəstəyi ilə “Təhsil və Karyera ” sərgisi keçirilir. İlk dəfə bu sərgi 2007-ci ildə keçirilib, burada dünyanın 5 ölkəsindən 21 universitet iştrak edib.
İkinci dəfə 2008-ci ildə belə sərgi keçirilib və dünyanın 10 ölkəsinin 40-dan yuxarı universiteti təmsil olunub. Üçüncu sərgi 2009-cu ildə baş tutub ki, bu tədbirdə də dünyanın 12 ölkəsinin 48 universiteti iştrak edib. Bu ilki sərgiyə isə dünyanın 15 ölkəsinin 100-dən yuxar universiteti qatılacaq.
M.Mərdanov onu da bildirib ki, belə sərgilərin keçirilməsi dünyada Azərbaycanın tanınmasına xidmət edir. Sabah saat 11.00-da sərginin rəsmi açılış mərasimi olacaq.
“Təhsil və Karyera” sərgisinin layihə meneceri Xəyalə Əliyeva bildirib ki, sərgi oktyabrın 7, 8, 9-da keçiriləcək. Sərgi Təhsil Nazirliyinin dəstəyi ilə keçirilir. Sərginin keçiriləcəyi yer yeni “Bakı Ekspo Mərkəzi” sərgi kompleksində keçiriləcək. Sərginin təşkilatçıları “İteca Caspian” MMC şirkəti və onun tərəfdaşı “İTE Group PLC ” qismində çıxış ediblər.
X.Əliyeva onu da bildirib ki, sərgidə ilk dəfə olaraq Litva səfirliyi də iştrak edir, həm də Litvanın 2 dövlət ali təhsil müəssisəsi təqdim olunacaq. Azərbaycanın dövlət və özəl təhsil müəssisələrindən Azərbaycan Dövlət İqtisad Universiteti, Azərbaycan Diplomatiya Akademiyası, Azərbaycan Universiteti iştrak edəcək.
Mail Ağaxanov