PKK-nın Kərkük-Yumurtalıq neft kəmərinə hücumu nəticəsində Şimali İraq Kürd Regional Rəhbərliyi 250 milyon dollar ziyana düşüb.
Modern.az Türkiyə KİV-nə istinadən verir ki, bu barədə Kürd Rəhbərliyinin Təbii Sərvətlər Nazirliyi məlumat yayıb. Məlumatda neft kəmərinin Regional Rəhbərlik üçün əsas gəlir mənbəyi olduğu bildirilib.
Qeyd edək ki, PKK iyulun 29-da Türkiyənin Şırnak vilayətinin Silopi rayonundan keçən Kərkük-Yumurtalıq neft boru kəmərinə hücum edib. Partlayış nəticəsində neft 10 hektar əraziyə yayılıb.
