Çeçenistanda ilk dəfə qadınlar üçün çimərlik açılıb. Modern.az-ın xarici KİV-ə istinadən verdiyi xəbərə görə, obyekt “Laquna” istirahət bazasında, “Qroznı dənizi” sahilində yerləşir, ərazisi 5 min kvadrat metrdir. Çimərliyin xidmətçilərinin hamısı qadınlardır, ora 12 yaşlı oğlanların da girişinə icazə verilib.
“Qadınların hərtərəfli istirahəti üçün bütün şərait yaradılıb. Uşaqlar üçün oyun meydançası tikilib”, - istirahət bazasının administratoru Petimat Aqaeva deyib.
Üç metr hündürlükdə hasara alınan ərazidə kafe, tibb məntəqəsi və ibadətgah otağı da var. Çimərlik üçün qum Xəzər dənizi sahilindən gətirilir. Əraziyə eyni vaxtda 5 min qadın yerləşə bilər.
Modern.az
