İraq aviasiyası İraq-Şam İslam Dövlətinin (İŞİD) Anbar vilayətindəki mövqelərini bombalayıb.
Modern.az xarici mətbuata istinadən xəbər verir ki, Ər-Ramadi şəhərindən şərqdə yerləşən Əl-Hüseyba rayonunda gerçəkləşən hava hücumu zamanı “İslam dövləti” qruplaşması 2 nəfər komandir olmaqla 52 döyüşçüsünü itirib. Bundan başqa, 58 terrorçunun yaralandığı, 9 silah anbarının, 22 zirehli nəqliyyat vasitəsinin və 14 qayığın da məhv edildiyi bildirilir.
Bu ilin mayında Bağdadın 100 kilometrliyində yerləşən Ər-Ramadi şəhərini ələ keçirən “İslam dövləti” buradan İraq paytaxtına hücum üçün baza kimi istifadə edir.
Vüqar İsmayılov
