Dünyaca məşhur insanların həyatları kimi ölümləri də çox maraqlı olub. Yəqin ki, hər kəsə maraqlı olar, ölüm yatağında onların son sözləri nə olub.
Modern.az məşhurların ölüm döşəyində söylədikləri son sözləri təqdim edir.
Müasir Türkiyə dövlətinin banisi Mustafa Kamal Atatürk can verdiyi son anlarda ətrafından saatı soruşaraq ölümü salamlayaraq deyib:
“Vəaleykümsalam...”
O, 10 noyabr 1938-ci il saat 09:05-də tutulduğu sirroz xəstəliyindən İstanbulda Dolmabaxça sarayında vəfat edib.
Dünya tarixinin ən böyük siyasətçisi Uinston Çörçill 80 yaşından depressiyadan əziyyət çəkməyə başlayır və ruhi sarsıntılar keçirir.
Ömrünün son 10 ilini tənha yaşamağa üstünlük vermiş nəhəng siyasət adamı 1965-ci ilin yanvarın 24-də əbədi depressiyalarından qurtulur. Çörçill ölüm yatağında son olaraq bu sözləri deyir: "Hər şey necə də cansıxıcıdır...”
ABŞ-ın 32-ci prezidenti Franklin Delano Ruzvelt 1921-ci ilin avqustunda poliomelit xəstəliyinə tutulmuş və bundan sonra ayaqları tam işləmədiyi üçün ömrünün qalan hissəsini əlil arabasında keçirməli olmuşdu. Bu da onun 3 il ərzində siyasətdən uzaqlaşması ilə nəticlənmişdi. O, 4-cü hakimiyyət müddətinin başlamasından qısa müddət sonra beyninə qan sızmasından vəfat edib. Ölüm döşəyində son sözü belə olub: “Başım dəhşət ağrıyır”.
Yüzillik müharibdə Fransanı düşdüyü çətin vəziyyətdən xilas etmiş Janna Darkın ölüm anında son sözü bu olub: “Mən sizin Allahı qəbul etmirəm”.
Dahi Azərbaycan şairi Nəsiminin edam olunarkən dediyi son cümlə: “Bir gün haqq qayıdacaq”.
Azərbaycan dramaturgiyasının banisi Mirzə Fətəli Axundzadə ölüm döşəyində ikən yaxınları onun necə dəfn edilmək istədyini soruşduqda o da cavabında “Mənim üçün fərqi yoxdur, necə istəyirlər, elə də dəfn etsinlər”,-deyib.
Məşhur italiyan rəssamı Leonardoda Vinci ölümqabağı son cümlələrində deyib:
"Mən Allahı və insanları təhqir etmişəm! Mən əsərlərimi istədiyim səviyyədə yarada bilməmişəm!"
Fransa kraliçası Mariya Antuanetta edam olunmazdan əvvəl özünü cox sakit aparıb.. Hətta dar ağacına yaxınlaşarkən bilmədən ayağını tapdaladığı cəllada: "Bağışlayın cənab, mən bunu bilmədən etdim",-deyə üzr isəyib.
Məşhur ingilis şairi, “Şərq poemasının” müəllifi Corc Bayronun ölüm anında son sözü “Ana” olub.
Yuli Sezar ən yaxın dostu Brut tərəfindən eramızdan əvvəl 44-cü il martın 15-də sui-qəsd nəticəsində 23 xəncər zərbəsi ilə qətlə yetirilib. Ölüm anında dostunun xəyanətini görərək deyib:
"Sən də mi Brut?”
O, həm qüdrətli dövlət xadimi kimi, həm də güclü bir sərkərdəlik qabiliyyəti ilə tarixin yaddaşlarında qalıb.
Leyla Əfqan