Suriyanın hərbi aviasiyası İŞİD terror qruplaşmasının Homs əyalətindəki mövqelərinə hava zərbələri endirib. Modern.az xəbər verir ki, terrorçuların Sadad şəhəri yaxınlığındakı mövqeləri hücuma məruz qalıb.
Sadad qruplaşmanın avqustun 4-də ələ keçirdiyi Əl-Kəryateyn şəhəri yaxınlığında yerləşir. Suriya Hərbi-Hava Qüvvələri həmçinin terrorçuların Sühnə və Palmiradakı mövqelərinə də hava zərbələri endirib. Ümumilikdə hücum nəticəsində 50 terrorçunun məhv edildiyi bildirilir.
“Əl-Mayadin” telekanalının məlumatına görə, Homsdan 120 km aralıda yerləşən Əş-Şaer qaz yatağı ətrafında şiddətli döyüşlər davam edir. (APA)
Modern.az