“Əl Qaidə” Suriyada hava əməliyyatlarına başlayan Rusiya ordusunun hərbçiləri üçün mükafat təyin edib.
Modern.az xarici KİV-ə istinadla xəbər verir ki, terror qruplaşmasının Suruya qanadı sayılan “Əl Nüsrə Cəbhəsi” hər rus hərbçisinin ölüsü, yaxud dirisi üçün 25 min dollar ödəyəcəyini bildirib.
Rusiya sentyabrın 30-dan başlayaraq Suriyadakı müxalifət mövqelərini bombalayır. Homs, Hama və İdlibdə hava zərbələri 50-dən artıq dinc sakinin və İraq-Şam İslam Dövləti terror qruplaşmasının 14 üzvününü ölümünə səbəb olub.Qərb dövlətləri isə Rusiyanın Bəşər Əsəd rejimini hakimiyyətdə saxlamaq naminə təkcə İŞİD-i deyil, mötədil müxalifət mövqelərini də bombaladığnıı iddia edir.
Vüqar İsmayılov
