Rusiyanın sabiq baş naziri Viktor Çernomırdin noyabrın 3-də gecə saatlarında 73 yaşında vəfat edib. Modern.az-ın “Ria-novosti”yə istinadla verdiyi məlumata görə, V,Çernomırdin son vaxtlar çox ciddi ağrılar keçirirmiş.
V.Çernomırdin 1992-1998-ci illərdə Rusiyanın baş naziri postunu tutub. 2001 – 2009-cu illərdə Rusiyanın Ukraynadakı səfiri postunda çalışıb.
V.Çernomırdin 2009-cu ildən Rusiya prezidentinin MDB ölkələri ilə iqtisadi əməkdaslıq üzrə xüsusi təmsilçisi idi.
Rusiya mətbuatının məlumatına görə, Çernomırdin bu ilin martında vəfat edən həyat yoldaşının xiffətini də çox çəkirmiş. Onların iki oğlu, 4 nəvələri var.
