Arxiv
31 Oktyabr 2015, 09:55 | MƏDƏNİYYƏT
“Məşhur filmlərdən məşhur sitatlar” – “Atları yəhərləyin” filminin məşhur ifadələri: “Elin də o başı, bu başı olmaz” - RUBRİKA

“Tənha quş yuva bağlamaz, lap qartal da olsa”

Modern.az saytı “Məşhur filmlərdən məşhur sitatlar”  rubrikasında bu dəfə 1985-ci ildə lentə alınan və iki dəfə adı dəyişdirilərək sonda “Atları yəhərləyin” kimi qalan, amma el arasında bu gün də “Qaçaq Nəbi” kimi tanınan filmin məşhur ifadələrini təqdim edəcək.

“Qaçaq Nəbi” filmi 1985-ci ildə çəkilməyə başlayıb. 

Filmin ssenari müəllifləri Süleyman Rüstəm, Əhmədağa Muğanlı, quruluşçu rejissoru Əbdül Mahmudov, Həsənağa Turabov, quruluşçu operator Kənan Məmmədov, quruluşçu rəssam Kamil Nəcəfzadə, bəstəkar Emin Sabitoğlu, səs operatoru Əsəd Əsədov, mahnıların mətni Eyvaz Borçalı, mahnı ifa edən  Niyaməddin Musayev və “Qarabağ bülbülləri” ansambılının üzvlərindən biridir.

Rollarda Həsənağa Turabov, Mömünat Qurbanova, Gümrah Rəhimov, Ənvər Həsənov, Ömür Nağıyev, Eldəniz Quliyev, Rasim Balayev, Ramiz Əzizbəyli, Şahmar Ələkbərov və başqaları çəkilib.

Film Moskvada çox böyük narahatlıqla qarşılanıb. Buna səbəb isə onsuz da bir neçə dəfə dəyişdirilən ssenaridə milli ideyaların qabardılması olub.

Qeyd edək ki, 1985-ci ildə çəkilməsinə baxmayaraq, Azərbaycan-erməni münasibətləri və ermənilərin azərbaycanlıların tarixi torpaqlarına göz dikməsi kimi detallar filmdə o zaman çılpaqlığı ilə  öz əksini tapıb. Lakin zamanın və rejimin qaydalarına əsasən film hazır olandan sonra mərkəzə təqdim edilib.

Elə oradaca soyadını dəyişərək Medvedov olan bir erməni üzündən həmin kadrlar çıxarılıb. Film bu gün çox sevilsə də, əslində Azərbaycan kino tarixinin şikəst olunan filmlərindən sayılmalıdır.

Çünki burada Süleyman Rüstəmin ssenarisindəki bəzi tarixi faktlar “yuxarı”lar tərəfindən təhrif edilib.

İş o yerə çatıb ki, Süleyman Rüstəm, Rəsul Rza, İmran Qasımov kimi ziyalılar Mixail Qorboçova bu filmə görə  teleqram da vurublar. Məsələn, filmdə erməni qadınları elə erməni kişilərinin onlara qarşı olan hörmətsizliyindən bezib Qaçaq Nəbinin yanına şikayətə gəlir.

Rejissorun dediyinə görə, təkcə o səhnədə sonradan öz təsdiqini tapan bir çox tarixi detallar gizlənirdi. Çox təəssüf ki, filmdən o kadrlar silinib. Buna baxmayaraq “Qaçaq Nəbi” filmi bu gün də sevilir, filmin bəzi sitatları bu gün də çox məşhurdur.


Həmin sitatları təqdim edək:

Filmin əsas obrazı təbii ki, Nəbi obrazıdır (Həsən Turabov). O, həm şücaətinə görə fərqlidir, həm də sadə el övladlarından biridir. Özünü eldən heç zaman ayırmır. Bir-iki məşhur ifadə də bu bağlılığı göstərən zaman yaranıb. Birinci təbii ki, filmin vizit kartı sayılan bu məşhur sitatı səsləndirmək lazımdır: “Arazın o tayı da, bu tayı da mənim doğma el-obamdı. Elin də o başı, başı olmaz”.  Bu ifadənin həm ssenaridə, həm də filmdə saxlanılması yaradıcı heyətdən böyük cəsarət tələb edirdi.  Lakin Əbdül Mahmudbəyov özünün Cənubi Azərbaycan sevgisini  ustalıqla əks etdirə bilib.

“Tənha quş yuva bağlamaz, lap qartal da olsa”,  “Elin igid oğlu özünə toy elədi, gələn də olmadı”, “Əgər atı aparsam, çörək gözümü tutar”, “Hələ gör neçə il də vuruşmalıyıq ki, bu camaat bir ağ gün görsün” sitatları məşhur olduqları qədər də Qaçaq Nəbinin elə nə qədər bağlı olduğunu əks etdirir. “Niyə belə etdi, niyə?! Axı o rəiyyət içindən çıxmışdı” sitatı ilə də hər şeyi el-oba ilə bağlayır.

Mirzənin (Eldəniz Quliyevin) həmin sitata cavab olaraq dediyi, “sapı özümüzdən olan balta düşmənin özündən də qorxuludur” fikri bu gün də yeri gələndə işlədilir.

 “Qılınc qınını kəsməz”,  “Müsəlmanın qənimi elə müsəlmandı” zərbi-məsəlləri də bu filmdə səsləndirilib. Sitatların müəllifi qubernator və Qafqaz canişinidir.

Elə həmin müsəlmanların ünvanına işlədilən məşhur “aparsınlar da, it aparan olsun” ifadəsinin müəllifi isə Nəbinin mallarını alaraq kasıblara payladığı tacirlərdən biridir. Maraqlıdır ki, həmin taciri peşəkar aktyor yox, məşhur yazıçı İsi Məlikzadə canlandırır.

Filmdə səsləndirilən başqa məşhur ifadələr:

Tunc Vəli (Gümrah Rəhimov) filmdə çox maraqlı obrazlardan biridir. O, mərd olduğu qədər də, saf insandır. “Bizdən yaz e, qoy görsünlər ki, analar necə oğullar doğub e”, “yetimin yekəsi elə mən özüməm”, “sən öl, ananı ağlar qoyaram” kimi sitatlar Vəlinin hesabına məşhurlaşıb. Bu gün də onlardan istifadə olunur.


Amma Tunc Vəlinin iki epizodda işlətdiyi sitatlar isə bu gün daha məşhurdur:

“Koxa canuvu dərd-azar alsın, süpürgə bığların soxaya qalsın”.

Rasim Balayevin canlandırdığı naçalnik Səlim bəy obrazı da filmdə ən əsas konflikt mənbələrindən biridir. Bir nçə məşhur ifadənin də müəllifi Səlim bəydir:

“Düşmən də olsaq, haqlısan”;

“Kişinin qoluna qandalı gərək kişi vursun”;

“Arvad kimi nə yaşmanıbsan?!”

“Səni göndərəcəklər gedər-gəlməzə, atovun sümüklərini ziyarət etməyə”.

Elmin NURİ

BU KATEQORİYADAN OLAN DİGƏR XƏBƏRLƏR
+ Arxiv
“ÜST vasitəsilə  yardıma ən çox ehtiyacı olan 15 ölkəyə dəstək göstərəcəyik” - İlham Əliyev 1 İyun 2020, 22:40 Bakıda motosiklet yük maşınına çırpıldı 1 İyun 2020, 22:27 Azərbaycan prezidenti: “Azərbaycanın vaxtında gördüyü tədbirlər sayəsində biz minimum itki vermişik” 1 İyun 2020, 22:16 “Dörd ay ərzində qeyri-neft sənayesində 16 faizdən çox artım müşahidə olunub” - İlham Əliyev 1 İyun 2020, 22:04 “Hazırda biz yeni layihələr üzərində işləyirik” - Prezident 1 İyun 2020, 21:53 ABŞ-da küçəyə çıxma qadağası 1 İyun 2020, 21:44 Türkiyədə sutkalıq COVİD-19 qurbanlarının sayı  23 nəfərədək azaldı 1 İyun 2020, 21:28 "Qarabağ" məşqləri bərpa etdi 1 İyun 2020, 21:16 Bu ölkədə koronavirus qurbanlarının sayı 33 475-ə çatdı 1 İyun 2020, 21:04 Goranboyda taxıl biçininə start verildi - FOTO 1 İyun 2020, 20:48 Ermənistanda ağır vəziyyətdə olan 500 koronaviruslu xəstə var 1 İyun 2020, 20:38 Sosial şəbəkələrin fəaliyyətinin hüquqi müstəvidə tənzimlənməsi aktualdır 1 İyun 2020, 20:25 Azərbaycanda sabiq bələdiyyə sədrini döyüb xəstəxanalıq etdilər 1 İyun 2020, 20:14 Atışmada iki hərbçi öldü 1 İyun 2020, 20:01 Putinlə Tramp telefonla danışdılar 1 İyun 2020, 19:57 AFFA mövsümü dayandırdı - çempion bəlli oldu 1 İyun 2020, 19:48 Milli Məclis müsabiqə elan etdi 1 İyun 2020, 19:39 Mərkəzi Bankdan TƏKZİB: “Qeyd olunan məlumat həqiqəti əks etdirmir” 1 İyun 2020, 19:30 Heydər Əliyev Fondundan azyaşlılara bayram hədiyyələri - Fotolar 1 İyun 2020, 19:20 UNEC-də bəzi kafedra və fakültələr ləğv edildi 1 İyun 2020, 19:10 Qapıları 70 gün müştərinin üzünə bağlı qalan “Mall”lardan FOTOREPORTAJ 1 İyun 2020, 19:00 Azərbaycanda koronavirus testindən keçənlərin sayı 300 mini keçdi - RƏSMİ 1 İyun 2020, 18:52 Litva Prezidenti İlham Əliyevi təbrik edib 1 İyun 2020, 18:44 Azərbaycanda 5 nəfər koronavirusdan öldü - daha 168 nəfər yoluxdu 1 İyun 2020, 18:36 Şəhərdə dolaşan ayı ilə bağlı daha bir AÇIQLAMA 1 İyun 2020, 18:31 Nazirlik yoxlama apardı - 392 obyektdə nöqsan aşkarlandı: “Soliton”, “Optimal elektronika”, “Bol Market”... 1 İyun 2020, 18:23 Azərbaycanda prokuror koronavirusa YOLUXDU 1 İyun 2020, 18:15 Azərbaycanda 12 nəfərin koronavirusa yoluxduğu kənddən VİDEOREPORTAJ 1 İyun 2020, 18:09 Paşinyan koronavirusa Şuşada yoluxub? – AÇIQLAMA 1 İyun 2020, 17:59 İlham Əliyev İtaliyanın dövlət başçısını təbrik edib 1 İyun 2020, 17:55 Bakı şəhər prokurorluğunun əməkdaşı koronavirusdan ölüb? - Rəsmi CAVAB 1 İyun 2020, 17:52 Pandemiya ilə mübarizədə nümunəvi model: Azərbaycanlı jurnalist İspaniya mediasında yazdı 1 İyun 2020, 17:47  Azərbaycanlı alim Türkiyə telekanalında erməni yalanlarını ifşa etdi 1 İyun 2020, 17:41 Sağlamlığı haqqında yalan deyən abituriyentlərin nəticələri ləğv olunacaq 1 İyun 2020, 17:38 Azərbaycandakı koronavirus xəstələri danışdı - VİDEO 1 İyun 2020, 17:32