Rusiya prezidenti Dmitri Medvedev noyabrın 18-də Bakıya gələcək. Kremlin mətbuat xidmətinin yaydığı məlumata görə, DşMedvedevin Xəzəryanı ölkələrin dövlət başçılarının Bakıda keçiriləcək zirvə toplantısında iştirak edəcəyi gözlənilir.
Zirvə toplantısına 5 Xəzəryanı ölkənin - Azərbaycan, Rusiya, İran, Qazaxıstan və Türkmənistan rəhbərləri qatılacaq.
Sammitdə Xəzərin hüquqi statusu ilə bağlı fikir mübadiləsinin aparılması, Xəzər İqtisadi Əməkdaşlıq Təşkilatının yaradılması məsələsinin müzakirə olunması gözlənilir.
Dövlət başçılarının sonda Bəyannamə imzalayacaqları bildirilir.