Modern.az

Fransada “Erməni soyqırımı” qanunu təsdiqlənmədi

Fransada “Erməni soyqırımı” qanunu təsdiqlənmədi

4 Dekabr 2015, 09:42



Fransa parlamentinə təqdim edilən “Erməni soyqırımı”nı inkarına görə həbs və pul cəzası nəzərdə tutulan qanun təsdiqlənməyib. Modern.az-ın xarici mediaya istinadən verdiyi xəbərə görə, Respublikaçılar Partiyasının Marseldən seçilən millət vəkili Valerie Boyerin uydurma “erməni soyqırımı” ilə bağlı hazırlayıb bir il əvvəl parlamentdə təqdim etdiyi qanunda   soyqırımı inkar edənlərə 5 il həbs və 45 min avro pul cəzası nəzərdə tutulurdu.

Dekabrın 3-də Fransa parlamentində təsdiqlənməyən qanun layihəsi bir alt komissiyaya göndərilib.

Valerie Boyer Fransa Konstitusiya Şurası və Avropa İnsan Haqları Məhkəməsi mərhələlərindən keçməyin də mümkün olduğunu anlayıb. Tarixi bir hadisənin soyqırım olaraq xarakterizə edilə bilməsi ancaq beynəlxalq bir cəza məhkəməsinin qərarı ilə etibarlı ola bilir. Beynəlxalq aləmdə isə Türkiyə əleyhinə verilən bu istiqamətdə hüquqi etibarlılığı olan bir qərar olmayıb.

Modern.az

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir