Bugünkü birjalarda Argentinanın milli valyutası peso 30 faiz ucuzlaşıb.
Modern.az xarici KİV-ə istinadən xəbər verir ki, bu hökumətin 2011-ci ildə milli valyutanın əcnəbi valyuta ilə dəyişdirilməsinə qoyduğu məhdudiyyəti aradan qaldırmasından sonra baş verib.
Bununla da 1 dollar 13,4 pesoya qədər bahalaşıb və 14 ilin anti-rekordunu təzələyib.
Argentinanın yeni seçilən prezidenti Maurisiyo Marki valyutaya qarşı tətbiq edilən məhdudiyyətləri aradan götürəcəyi ilə bağlı seçki kampaniyasında verdiyi vədinə əməl edib.
Bundan əvvəl, argentinalılar ayda yalnız 2 min dollara qədər vəsaiti xarici valyutaya dəyişə bilərdilər. Yeni addımla hökumət ölkə iqtisadiyyatını xarici investorlar üçün daha cəlbedici etməyi planlaşdırır.
Vüqar İsmayılov