Arxiv
21 Dekabr 2015, 18:05 | MÜSAHİBƏ
Eldar İbrahimov: “Əhali narahat olmasın, hər şey qaydasına düşəcək”

“Azərbaycan bu vəziyyətdən üzüağ çıxacaq”


Mərkəzi Bankın üzən məzənnəyə keçilməsi ilə bağlı bugünkü qərarı və 1 dolların 1,55 manata qalxması ölkədə ajiotajın yaranmasına səbəb olub.

Modern.az saytı Yeni Azərbaycan Partiyası İqtisadiyyat komissiyasının, eyni zamanda Milli Məclisin Aqrar siyasət komitəsinin sədri Eldar İbrahimovdan bununla bağlı müshaibə götürüb. 

- Yeni Azərbaycan Partiyasının İqtisadiyyat komissiyasının sədrisiniz, 2015-ci il ərzində iki dəfə manatın dəyərdən düşməsinin şahidi olduq. Komissiyanın rəhbəri kimi bunu necə qiymətləndirirsiniz?

- Valyutaların bir-birinə olan münasibətinin dəyişməsi əslində bazar iqtisadiyyatının tələblərindən biridir. Belə bir hadisənin baş verməsi heç də qorxu-həyacan doğurmamalıdır. Vaxtilə manatın dəyəri çox aşağı idi. Sonralar bizim ölkəmiz ixrac potensialını artırdığına görə çoxlu miqdarda dollar gəldi. Belə olan halda manatın məzənnəsi dollara nisbətən qalxdı, indi isə əksinə proses gedir. Əsas ixracımız neft olduğuna görə belə yolla dolların azalması manatın məzənnəsinə təsir göstərir. Hökümət ehtiyat fondundan son illər müəyyən qədər pul xərcləyərək manatın məzənnəsini saxlayırdı. Belə yolla məzənnəni saxlamaq effektli olmadığına görə üzən məzənnə yoluna qədəm qoyduq. Hesab edirəm ki, bu dəyişiklik iqtisadiyyata güclü təsir göstərməyəcək. Görülən tədbirlər nəticəsində bütün məsələlər yoluna qoyulacaq.

- Belə hadisələr YAP-ın reytinqinin aşağı düşməsinə səbəb ola bilərmi?

- Bu məsələnin Yeni Azərbaycan Partiyasının nüfuzuna təsiri ola bilməz. Partiyamız hakimiyyətdə olduğu dövrdə bütün sahələrdə, əmək haqlarının, pensiyaların, yardımların artırılmasına nail olub və güclü artımlar əldə edib. Eyni zamanda, ölkəmizə çoxlu miqdarda investisiyalar qoyulub, Azərbaycan investisiya alan ölkədən investisiya yatıran ölkəyə çevrilib. Yaxın vaxtlarda bu öz bəhrəsini verəcək. Hesab edirəm ki, məzənnənin dəyişməsi heç nəyə təsir göstərməyəcək.

- Bir il ərzində milli valyutanın dəyərinin 100 faiz aşağı düşməsini nə ilə əlaqələndirirsiniz? Buna səbəb kimi neftin qiymətinin ucuzlaşması, qiymətlərin suni şişirdilməsi göstərilir. Bununla bağlı fikirlərinizi bilmək olarmı?

- Hesab edirəm ki, qısa müddətdə neftin qiymətinin kəskin sürətdə aşağı düşməsi, eyni zamanda ABŞ-ın Federal Ehtiyat Sisteminin uçot dərəcəsini qaldırması da buna təsir göstərir. Bildiyiniz kimi, Azərbaycan höküməti iqtisadiyyatın şaxələndirilməsi üçün müəyyən tədbirlər görür, addımlar atır və bu tədbirlər qısa müddətdə öz effektini verə bilməz. Müəyyən zaman keçəndən sonra iqtisadiyyatdakı bu inkişafın təsirini görə biləcəyik. Ümumiyyətlə, ixrac olunan məhsullar, neftin qiymətinin aşağı düşməsi buna təsir göstərməli idi. Bu, neft ixrac edən ölkələrin hamısında baş verir. Ona görə də burada ayrı səbəb axtarmaq lazım deyil. Dünyada baş verən proseslər, qonşu ölkələrdə baş verən maliyyə və iqtisadi böhran bunun yaranmasının əsas səbəbidir.

- Maraqlıdır ki, bu il ölkədə manatın dəyərdən düşməsi ilə bağlı hökümət və ya bununla əlaqədar qurumlar insanların qarşısına çıxıb məlumat vermədi. Sizcə, insanlar belə vəziyyətdə nə etməlidirlər? Çünki onlar nə etməli olduqlarını bilmirlər.

- Azərbaycanda heç də hamı iqtisadi məsələlərlə o qədər də yaxından tanış deyil. Ona görə də maarifləndirmə aparılmasına ehtiyac var. Bununla bağlı işlər başlayıb, hökümət insanlara məlumat verəcək və proseslər izah olunacaq. Maliyyə böhranı və iqtisadi problemlərlə üzləşəndə böhrandan çıxmaq üçün hökümət müəyyən proqramlar hazırlayır. Həmin proqramı həyata keçirərək böhranın təsirini yumşaldır.

- Maraqlıdır, YAP İqtisadiyyat komissiyası bununla bağlı hansı işlər görəcək və insanlara nə vəd edir?

- Bu məsələdən çıxış yolu üçün hökümət müəyyən tədbirlər görəcək. İqtisadiyyat komissiyası olaraq biz bu məsələ ilə bağlı müəyyən addımlar atacağıq.

- Siz uzun illərdir Milli Məclisin Aqrar siyasət komitəsinə rəhbərlik edirsiniz. Bundan sonra kənd təsərrüfatının inkişafı üçün nələri proqnozlaşdırırsınız? Azərbaycanda kənd təsərrüfatının inkişaf etdirilməsi bu problemlərin həllində kömək edəcəkmi? İnsanlardakı pessimist fikirləri dəyişəcəkmi?

- Prezident İlham Əliyev dəfələrlə qeyd edib ki, aqrar sektor qeyri-neft sektorunun prioritet istiqamətlərindən biridir və hökümət bnununla bağlı konkret işlər aparır. Heç də təsadüfi deyil ki, prezident 2015-ci ili “Kənd təsərrüfatı ili” elan etmişdi. Kənd təsərrüfatının daha da inkişafı, maliyyə yardımlarının artırılması üçün əlavə sərəncam imzaladı. İqtisadiyyatın şaxələndirilməsi prezidentin iqtisadi siyasətinin əsas istiqamətlərindən biridir. Demək olar ki, kənd təsərrüfatı son vaxtlar sürətlə inkişaf edir. Onu da qeyd etmək istəyirəm ki, Azərbaycanın aqrar sahəsi MDB ölkələrindən fərqli olaraq bir gün də olsun inkişafdan geriyə qalmayıb. 1996-cı ildən başlayaraq demək olar hər il bu sahədə inkişaf müşahidə olunur. Son illər bu sahəyə daha çox investisiya qoyulduğundan sahibkarların əlverişli şəraitdə fəaliyyət göstərmələrinin təmin olunması üçün subsidiyaların ayırılmasında, aqroparkların inkişafına başlanmasında böyük işlər görülüb.

İstisna deyil ki, bütün bunlar sonda aqrar sektorun inkişafına təkan verəcək. Aqrar sektor iqtisadiyyatın ən çox yeni iş yeri yaradan sahəsidir. Burada bir iş yeri iqtisadiyyatın digər sahələrində 5-6 iş yerinin yaranmasına imkan verir. Bu səbəbdən aqrar sektora diqqət getdikcə artır. Xüsusilə, aqrar sektorda aparılan islahatlar nəticəsində torpaqlar fermerlərə paylanılıb və onlar bu gün torpaqları əkib becərirlər. Xırda təssürafatlar çoxluq təşkil etdiyinə görə bizdə indi yeni texnika və texnologiyaları tətbiq etmək çətindir. Ona görə də möhtərəm prezidentin fərmanı əsasında “Kənd təsərrüfatı kooperasiyası haqqında” qanun layihəsi işlənib, Milli Məclisə təqdim olunub. Bu qanun layihəsi hazırda parlamentdə I oxunuşdan keçib. Cənab prezidentin göstərişi əsasında əsas ərzaq məhsullarından taxıla olan təlabatı yerli istehsal hesabına ödəmək üçün 50 yeni təsərüfat yaradılması qarşıya məqsəd qoyulub. Bu təsərrüfatlardan bir neçəsi fəaliyyət göstərir. Onu da qeyd edim ki, Ağcəbədi rayonunda yaradılan iri taxılçılıq təsərrüfatında hər hektardan 2012-ci ildən başlayaraq 55-60 sentner taxıl məhsulu götürülüb. Bu məhsuldarlıq Azərbaycan üçün yüksək rekord nəticədir və Avropa ölkələri ilə eyni səviyyəyə qalxmaq deməkdir.

Azərbaycanda hazırda 25-30 sentnerə yaxın taxıl götürülür. Ölkəmiz üçün birinci dəfədir ki, ən yüksək məhsuldarlıq - 30,5 sentner taxıl əldə olunub. Ölkə üzrə məhsuldarlığı 50 sentnerə qaldırsaq, onda 15 milyona yaxın əhalini yerli istehsal hesabına təmin edə bilərik. Yəni Azərbaycanda ərzaq təhlükəsizliyi problemi heç vaxt yaşanmayacaq. Çünki bunun üçün bizim böyük imkanlarımız var. Sadəcə olaraq indi investisiyaların artırılması, qoyulan investisiyaların səmərli istifadəsi nəticəsində iri təsərrüfatları yaratmaq və onların hesabına məhsuldarlığı yüksəltmək lazımdır.  İnnovasiyalar tətbiq olunur və artıq bu istiqamətdə işlər görülür. Son vaxtlar aqrolizinq yolu ilə yeni texnikalar alınıb, tətbiq olunur. Bunlar da yaxın vaxtlarda öz töhfəsini verəcək. Eyni zamanda, bu inkişafı emal sənayesində də görəcəyik. 5-6 il qabaq pambığı lif kimi istehsal edib xarici ölkələrə satırdıqsa, artıq lif kimi yox, pambıq iplik, hazır məhsul kimi ixrac edirik. Bu isə ölkəyə dollar gəlməsinə səbəb olur. Bu da yeni iş yerlərinin açılmasına, həm də ölkənin iqtisadiyyatının möhkəmlənməsinə xidmət edir. Yəni kənd təsərrüfatını inkişaf etdirmək üçün ölkədə əlaverişli imkanlar var.

- Hazırda ölkədə yaranmış ajiotajdan çıxmaq üçün insanlara nəyi məsləhət bilirsiniz? Bundan istifadə edənlərə sözünüz nədir?

- Narahatlığa heç bir ehtiyac yoxdur. Hər şey öz qaydasına düşəcək. Azərbaycan güclü dövlətdir və istənilən situasiyadan çıxmağa qadirdir. Belə vəziyyət uzun müddət davam etmir və yeni inkişafa təkan verir. Əminəm ki, belə də olacaq və biz yeni inkişaf mərhələsinə qədəm qoyacağıq. Əhalimizin iş qabiliyyəti, zəhmətsevərliyi imkan verir ki, heç bir narahatlıq olmadan ərzaq təhlükəsizliyini təmin edək və iqtisadiyyatımızı möhkəmləndirək.

Aytən Zəhra

BU KATEQORİYADAN OLAN DİGƏR XƏBƏRLƏR
+ Arxiv
Prezident küçələrdən siqaret kötükləri topladı 20 Sentyabr 2020, 00:59 İsveçrə ATƏT-in sədrliyi postuna namizəd irəli sürməyib 20 Sentyabr 2020, 00:43 Trampa qarşı qəsdin qarşısı alındı 20 Sentyabr 2020, 00:26 “Əsrin müqaviləsi”nin 26 ili tamamlandı 20 Sentyabr 2020, 00:09 Qubada polis postu quruldu 19 Sentyabr 2020, 23:58 6 futbol hakimi koronavirusa yoluxdu 19 Sentyabr 2020, 23:42 Əfqanıstanda terror: 1 ölü, 5 yaralı 19 Sentyabr 2020, 23:31 Bakıda kürəkən qaynanasını avtomobillə vurdu 19 Sentyabr 2020, 23:17 Bombardmançı təyyarə dünya rekordu qırdı 19 Sentyabr 2020, 23:03 Bu ölkədə koronavirusa yoluxanların sayı 390 358 nəfərə çatıb 19 Sentyabr 2020, 22:47 FETÖ ilə əməkdaşlıqda şübhəli bilinənlər saxlanıldı 19 Sentyabr 2020, 22:33 “Sumqayıt” lider oldu 19 Sentyabr 2020, 22:17 Amur çayı daşdı: balıqlar şəhərdə üzür – VİDEO 19 Sentyabr 2020, 22:01 Gəncədə gənc oğlan bıçaqlanıb 19 Sentyabr 2020, 21:44 BDU professorun universitetə buraxılmamasının SƏBƏBİNİ AÇIQLADI 19 Sentyabr 2020, 21:30 Türkiyədə koronavirusdan sağalanların sayı 266 117-yə çatıb  19 Sentyabr 2020, 21:17 Mahir Abbaszadə seçicilərlə növbəti videoqəbul keçirib 19 Sentyabr 2020, 20:58 “Bu işğalçı dövlətin növbəti məkrli oyunlara hazırlaşdığının bariz nümunəsidir” - Tural Gəncəliyev 19 Sentyabr 2020, 20:45 Qərbi Kaspi Universitetinin tələbələri Virtual Tələbə Uğur Forumuna qatılıb 19 Sentyabr 2020, 20:31 “Biz mütləq öz torpaqlarımıza qayıdacağıq” - İlham Əliyev 19 Sentyabr 2020, 20:18 Yol qəzası mərkəzi prospektdə tıxac yaratdı 19 Sentyabr 2020, 20:01 Nazirlikdən intihar edən müəllimə başsağlığı: “Qeyri-dəqiq məlumatların təqdimatı təəssüf doğurur” 19 Sentyabr 2020, 19:36 Xuraman Şuşalı 100 min xərclədiyi evini satışa çıxardı - VİDEO 19 Sentyabr 2020, 19:25 BDU-nun professorunu iş yerinə buraxmadılar - SƏBƏB 19 Sentyabr 2020, 19:11 Tofiq Yaqublu ilə bağlı qərar müxalifət üçün testdir - Azay Quliyev 19 Sentyabr 2020, 19:03 Prezident Qarabağ barədə DANIŞDI: “Xalq bilməlidir nələr baş verir” 19 Sentyabr 2020, 18:28 Azərbaycanda reanimasiyada olan COVİD-19 xəstələrinin sayı açıqlandı 19 Sentyabr 2020, 18:20 Naqif Həmzəyev: “Əsrin müqaviləsi”nin uğurlu icrası Azərbaycanın gücünə güc qatır" 19 Sentyabr 2020, 18:12 Konstitusiya referendumuna ehtiyac varmı… – Partiya liderlərindən MÜNASİBƏT 19 Sentyabr 2020, 18:03 Sumqayıtın yanından keçəndə hər kəs pəncərəni bağlayırdı ki….” – Ölkə başçısı 19 Sentyabr 2020, 17:52 1 həftəyə 13 milyard dollar QAZANDI 19 Sentyabr 2020, 17:40 İlham Əliyev: Bu gün Azərbaycan bütün reytinqlərdə ən qabaqcıl yerlərdədir 19 Sentyabr 2020, 17:31 Prezident təməlqoyma mərasimində... - YENİLƏNİB 19 Sentyabr 2020, 17:24 Komitə sədri seçicilərlə onlayn görüş keçirdi - FOTO 19 Sentyabr 2020, 17:22 Gəncədə 22 yaşlı oğlan naməlum şəraitdə bıçaqlanıb 19 Sentyabr 2020, 17:13