Bu ilin 11 ayında Gürcüstandan Azərbaycana 3 377 avtomobil idxal olunub. Bu da ötən ilin analoji dövr göstəricisi ilə müqayisədə 4,97 dəfə azdır. Modern.az saytı xəbər verir ki, bu barədə məlumatı Gürcüstan Milli Statistika Xidməti açıqlayıb.
Məlumata görə, müvafiq dövr ərzində Gürcüstandan Azərbaycana ümumilikdə 61,24 milyon dollar dəyərində avtomobil idxal olunub.
Gürcüstana isə avtomobillər xaricdən idxal olunur.
Gürcüstandan Azərbaycana digər malların idxalına gəlincə, 2015-ci ilin yanvar-noyabr aylarında ötən ilin analoji dövr göstəricisi ilə müqayisədə 2,21 dəfə az mal idxal olunub. 11 ay ərzində Gürcüstandan ümumilikdə Azərbaycana 231,28 milyon dollar dəyərində mal idxal olunub.
Modern.az
