Rusiya Sosial–Demokrat Partiyasının sabiq sədri, Pskov vilayəti qubernatorluğuna keçmiş namizəd və siyasi texnoloq Aleksey Burantsev həbs olunub.

Modern.az Rusiya KİV-nə istinadən xəbər verir ki, siyasətçi fırıldaqçılıqda ittiham olunur.  

Məlumata görə Burantsev hələ 2015-ci ilin yayında həbs olunub və bütün bu müddət ərzində saxlanma müddəti uzadılıb.  

Keçmiş partiya sədri Afrika ölkələri sakinlərindən ibarət mütəşəkkil dəstənin üzvü kimi iri şirkətlərin adından Rusiyada hesab açaraq vətəndaşlara sərfəli qiymətə yanacaq təklif edib.  

Hesaba köçürülən pulu isə oğurlayıb. Bu yolla Aleksey Burantsev Çinin Manzhouli Gaoxin Trading şirkətinə 1 milyon dollar zərər vurub.  

Aleksey Burantsevin dostları isə onun haqsız yerə həbs olunduğunu və bunun siyasi sifariş olduğunu deyir.    

Vüqar İsmayılov