Şimali Koreya rəhbərliyi Cənubi Koreyanı ABŞ-la keçirdiyi birgə hərbi təlimlər zamanı təxribata yol verəcəkləri halda “ədalətli nüvə zərbələri” endirəcəkləri ilə hədələyib.
Modern.az xarici KİV-ə istinadən xəbər verir ki, rəsmi Seul hədələrə cavaba verərək “heç nəyin cavabsız qalmayacağını” deyib.“Şimali Koreya öz dağıdıcı, təxribatçı fəaliyyətindən əl çəkməlidir. Pxenyanın təxribatlarına amasız və qəti cavab veriləcək”- deyə Müdafiə Nazirliyi açıqlama verib.
Şimali Koreya Cənubi Koreya və ABŞ-ın keçirəcəkləri “Key Resolve” və “Foal Eagle” adlı birgə hərbi təlimlərlə bağlı “ədalətli nüvə zərbələri” endirəcəklərini deyib.
Həmin təlimlər martın 7-də başlayacaq və 30 aprelə qədər davam edəcək. Təlimlərdə 300 min koreyalı və 15 min amerikalı hərbçi iştirak edəcək.
Vüqar İsmayılov
