“Bu gün bütün dünyada hökumət başçıları ilə işləməyi bacarmaq lazımdır. ABŞ hökumətinin digər dövlətlərin rejimlərini devirmək yolundakı çoxsaylı cəhdləri bu ölkələrin vətəndaşlarını ona qarşı çıxarıb”.
Modern. az xarici KİV-nə istinadən xəbər verir ki, bu sözləri Vermont ştatından ABŞ prezidentliyinə namizəd Berni Sanders Univision söyləyib.
Prezidentliyə namizəd teledebatda demokratik quruluşlar haqqındakı müzakirələrdə ABŞ-ı ölkələrin hakimiyyətlərini devirməyə deyil, onlarla əməkdaşlıq etməyə səsləyib.
“Hesab edirəm ki, ABŞ rejimlərin dəyişməsinə cəhd etmək əvəzinə bütün dünyada hökumətlərlə birgə çalışmalıdır . Artıq biz görürük ki, Latın Amerikasında hökumətləri devirmək fəaliyyəti orada Amerika əleyhinə əhval-ruhiyyənin yaranmasına gətirib çıxarıb”.
Berni Sanders əlavə edib ki, ABŞ Kubaya müdaxilə zamanı, Nikaraqua və Qvatemalada hökumətləri devirən zaman da haqsızlıq edib.
Ağa AKİFOĞLU