Beynəlxalq terrorçu fəaliyyətlərə qarşı kəşfiyyat araşdırmalarında terror təşkilatı İraq-Şam İslamDövlətinin (İŞİD) yeni fəaliyyət planları ifşa edilib. Modern.az xarici mediaya istinadən bildirir ki, təşkilatın Türkiyə də daxil olmaqla 9 ölkədə terror aktları planlaşdırdığını müəyyən edən xüsusi xidmət orqanları əldə etdikləri məlumatları martın 8-də yayıblar.
Məlumatda qeyd edilir ki, Qaziantepdə İŞİD-ə qarşı əməliyyatın ardından təşkilata aid bir evdə əhəmiyyətli tapıntılara çatan xüsusi xidmət orqanları terror təşkilatının hücumlarda istifadə edəcəyi partlayıcıların da Türkiyədə ələ keçirildiyini məruzə edib.
Həmin evdə aparılan tədqiqatda İŞİD-in yəhudilərin toylarına qarşı terror hazırlığı içində olduğu müəyyənləşdirilib. Bununla bağlı məlumat 81 şəhərdə hüquq-mühafizə orqanlarına çatdırılıb. Şiə vətəndaşların və icma liderlərinin yaşadığı yerlər və Rusiya ilə bağlı müəssisələrdə də təhlükəsizlik gücləndirilib.
Modern.az
