Azərbaycanda da yaxşı tanınan milyarder Mixail Qutsariev oğluna təntənəli toy edib. Modern.az-ın xarici mediaya istinadən verdiyi xəbərə görə, səhər tezdən “Safisa” restoranın ətrafı hərbi mühafizə ilə mühasirəyə alınıb.
Səbəb media maqnatının ikinci oğlu Saidin toyunun istədiyi kimi təntənəli keçməsi olub.
“RussNeft”in sahibi toyun uzun müddət unudulmaması üçün böyük miqdarda vəsait xərcləyib.
Məlum olub ki, Cey Lonun xüsusi gecəyə dəvəti 5 milyon, Elton Conun dəvəti isə 7 milyon avroya başa gəlib. Əcnəbi tanınmışlarla yanaşı gecədə “Ləzginka” ansamblı da qonaqları əyləndirib.
Saidin nişanlısı Xədicə zala Fransada sifariş edilən “Elle Saab”ın ağ paltarında daxil olub. Toy mərasimində İnquşetiyanın keçmiş prezidenti Ruslan Auşev də iştirak edib.
Qeyd edək ki, gəlin İnquşetiyadandır.
Modern.az
