Misirə məxsus təyyarəni qaçıran misirli İbrahim Samah ABŞ-ın Atlanta universitetinin professorudur. Modern.az xarici mediaya istinadən bildirir ki, bu haqda Misirin güc strukturlarında mənbə xəbər verib.
Məlumatda qeyd edilir ki, o, Borq əl-Arab-Kipr marşrutunu yerinə yetirən A320 təyyarəsinə sərnişin kimi qeydiyyatdan keçib və 38K yerində oturub.
Bundan əvvəl məlum olub ki, Samah ələ keçirdiyi təyyarə ilə Türkiyə hava limanlarından birinə getməyi nəzərdə tutub, ancaq yanacaq ehtiyatı ona Bosfor sahilinə qədər çatmağa imkan verməyib. Bu səbəbdəb pilotlar təyyarəni Kiprdə endiriblər.
Professorun Türkiyə getməkdə məqsədinin köçkün statusu alaraq, sonradan Avropa ölkələrindən birinə yollanmaq olduğu bildirilir.
