Bir neçə gün öncə İsgəndəriyyə-Qahirə reysi ilə hərəkət edən təyyarəni qaçıran Saif Eldin Mustafa haqda yeni məlumatlar ortaya çıxıb.
Modern.az xarici KİV-ə istinadən xəbər verir ki, onun keçmiş həyat yoldaşı Marina Paraşkau ərini “çox təklükəli adam” kimi xarakterizə edib.Onun sözlərinə görə əri onunla həmişə kobud davranıb, uşaqlarını döyüb və tez-tez narkotik vasitələr qəbul edib. Paraşkaunun sözlərinə görə əri Fələstin Azadlıq Təşkilatının fanatı kimi 3 yəhudi əsgərini şəxsən öldürməsi ilə öyünüb, bundan başqa, Suriya həbsxanasında 4 il həbs yatıb.
Eldin Mustafa ötən gün Kipr məhkəməsinin qərarı ilə 8 sutkalıq həbs cəzası almışdı.
Onun özü isə təyyarəni qaçırmasını həyat yoldaşını və uşaqlarını uzun müddətdir ki, görə bilməməsi ilə əlaqələndirmişdi. Martın 29-u səhər saatlarında İsgəndəriyyə-Qahirə marşrutu ilə hərəkət edən A320 təyyarəsini ələ keçirən Eldin Mustafa göyərtədəki 56 sərnişini və 8 heyət üzvünü girov götürmüşdü.
O, Kiprin Larnaka hava limanında polislə bir neçə saatlıq danışıqlardan sonra könüllü təslim olmuşdu.
Vüqar İsmayılov
