İŞİD terror təşkilatının "Dəclə Vilayəti" üzrə raketlərə cavabdeh olan yüksək vəzifəli əmiri öldürülüb.
Modern.az-ın Türkiyə KİV-nə istinadən verdiyi xəbərə görə, bu barədə İraq ordusu məlumat yayıb.
Məlumata görə, döyüş təyyarələri 1 aprel günü saat 18:00 radələrində Mosulun Geyara əyalətindəki İŞİD mövqeləri hədəfə alıb.
Hava zərbələri nəticəsində İŞİD-in "Casım Xədicə” ləqəbli raket üzrə əmiri Əbdüləziz Qasım Məhəmməd Həsən öldürülüb.
Qeyd edək ki, 2015-ci ilin ortalarında İŞİD-in “maliyyə naziri” Zaalan el-Afari də Mosul yolunda öldürülmüşdü.
Mosulun cənub-qərbində yerləşən Geyara bölgəsi 2014-cü ilin iyun ayından bu yana İŞİD-in işğalı altındadır.
Ağa AKİFOĞLU