Yaxın 5 ildə Türk Dövlətləri Təşkilatlarına daxil olan ölkələrin birgə “Türk transplant” adlı platforması yaradılacaq.
Bunu Modern.az-a müsahibəsində Orqan Donorluğu və Transplantasiyası üzrə Koordinasiya Mərkəzi İdarə Heyətinin sədri Yeganə Abbasova bildirib.
O qeyd edib ki, platforma Azərbaycan Respublikası Səhiyyə Nazirinin təşəbbüsü ilə yaradılıb və ölkələr Niyyət Protokolunu imzalayıb:
"Bizim Vahid İnformasiya Sisteminə tezliklə bütün ölkələr qoşulacaq. Nəticədə bura daxil olan bütün ölkələr bir-birinə kömək ola biləcək. Həmçinin türkdilli dövlətlər genetik olaraq bir-birlərinə çox yaxındırlar. Əsas proyekt kök hüceyrənin transplantasiyasından başlayacaq".
Qeyd edək ki, bu platforma nəticəsində TDT-ə daxil olan ölkələr arasında orqan transplantasiyası reallaşacaq.
