Bu gün Zəngilan rayonunun Məmmədbəyli kəndinə 30 ailə - 144 nəfər köçürülüb.
Onlar respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.
Modern.az-ın məlumatına görə, Məmmədbəyliyə köçənlərdən biri də Gülnar Süleymanovadır. Onun cəmi 15 yaşı var. Atası, anası, qardaşı və nənəsi ilə birlikdə doğma yurduna qayıdır.
"Orada hansı hissləri yaşayacağımı təsəvvür etmək çətindir. Çünki heç vaxt o yerlərdə olmamışam, amma həmişə haqqında çox eşitmişəm", - Gülnar deyib.
Gülnar Zəngilana gitarası və tutuquşularını da aparır: "Kəndimizdə gitaramla ilk olaraq "Cənab leytenantı" ifa edəcəm".
