Modern.az

İcra başçıları müavin axtarır - SİYAHI

İcra başçıları müavin axtarır - SİYAHI

Ölkə

29 Noyabr 2025, 13:40

İcra başçısının birbaşa səlahiyyətlərini paylaşan, yerli idarəetmənin gündəlik nizamını qoruyan və fövqəladə hallarda operativ qərar verən əsas fiqur məhz başçıların birinci müavindir. Bu vəzifənin təyin olunmaması müvafiq rayonun sosial-iqtisadi proseslərinin koordinasiyasından tutmuş icra hakimiyyəti aparatının daxili intizamına qədər bütün sahələrdə ləngimə, qeyri-müəyyənlik və idarəetmə boşluğu yarada bilər.

Modern.az birinci müavini olmayan və bütün öhdəliklərini tək icra edən icra başçılarını dəqiqləşdirib.

Azərbaycanda 10 şəhər icra hakimiyyətinin 4-də icra başçısının müavini yoxdur. Burada diqqəti çəkən əsas məqam isə paytaxtın üzərinə düşür. Belə ki, 2 milyondan çox əhalisi olan Bakıda bütün məsuliyyəti Eldar Əzizov “tək daşıyır”.

Bundan başqa, Şəki şəhərinin icra başçısı Elxan Usubov, Mingəçevir şəhərinin icra başçısı İlham İsmayılov və Şirvan şəhərinin icra başçısı İlqar Abbasovun da birinci müavini yoxdur. 

Bakıdakı 12 rayondan 3-də icra başçısının birinci müavini vəzifəsi boşdur. 

Belə ki, Bakı şəhər Nərimanov rayonunun icra başçısı Elgin Həbibullayev, Sabunçu rayonunun icra başçısı Adil Vəliyev və Xətai rayonunu icra başçısı Rafiq Quliyev birinci müavinləri olmadan işləyirlər.

Rayon icra hakimiyyətlərinə gəldikdə isə 64 rayondan 21-də başçının birinci müavini vəzifəsi təyinat gözləyir. 

Vəzifəsini birinci müavinsiz yerinə yetirən rayon icra başçıları aşağıdakılardır:

Ağdam rayonunun icra başçısı Vaqif Həsənov

Bərdə rayonunun icra başçısı Vidadi İsayev

Cəbrayıl rayonunun icra başçısı Kamal Həsənov

Daşkəsən rayonunun icra başçısı Orxan Abbasov

Göyçay rayonunun icra başçısı Orxan Mürsəlov

Göygöl rayonunun icra başçısı Vüqar Novruzov 

Xaçmaz rayonunun icra başçısı Anar Oruclu

Xızı rayonunun icra başçısı Xəzər Aslanov 

Xocalı rayonunun icra başçısı Şahmar Usubov
 
Xocavənd rayonunun icra başçısı Eyvaz Hüseynov

Kəngərli rayonunun icra başçısı Kamal Ələkbərov

Kürdəmir rayonunun icra başçısı Elşən Həsənli

Qəbələ rayonunun icra başçısı Səbuhi Abdullayev

Qubadlı rayonunun icra başçısı Malik İsaqov

Lerik rayonunun icra başçısı Əkbər Abbasov

Oğuz rayonunun icra başçısı Cavid Əbdul-Qədirov

Saatlı rayonunun icra başçısı Elmir Bağırov

Salyan rayonunun icra başçısı Rüstəm Xəlilov

Sədərək rayonunun icra başçısı Naim Cahidzadə 

Siyəzən rayonunun icra başçısı Novruz Novruzov

Zəngilan rayonunun icra başçısı Ramiz Həsənov
 

Gədəbəy Rayon İcra Hakimiyyətinin başçısı vəzifəsini birinci müavin vəzifəsini Natiq Nağıyev yerinə yetirir.

Qeyd edək ki, yerli icra hakimiyyəti başçısının müavinini (müavinlərini) Azərbaycan Respublikası Prezidenti Administrasiyasının rəhbəri ilə müvafiq yerli icra hakimiyyətinin başçısı vəzifəyə təyin və vəzifədən azad edir.

Sizə yeni x var
Keçid et
GƏRGİN DEBAT! Mehdiyev bu vəzifədən də qovuldu