“Bu gün hamıya bəllidir ki, Mehman və Emin Hüseynov qardaşları tamamilə bilərəkdən Rusiya xüsusi xidmətlərinin Azərbaycana informasiya hücumunun aləti olublar. Onların "Qərbi-Avropa"da yerləşməsi sadəcə “əfsanə” üçün maskadır”.
Modern.az xəbər verir ki, bu fikirləri sabiq xarici işlər naziri Tofiq Zülfüqarov Azərbaycana qarşı aparılan qarayaxma kampaniyasına toxunarkən bildirib.
O, Azərbaycanda müharibə cinayətləri, habelə terrorçuluqla bağlı maddələrlə təqsirləndirilən erməni oliqarx Ruben Vardanyanın 20 il müddətinə azadlıqdan məhrum edilməsinin Rusiyada qəzəblə qarşılanacağına da toxunub.
“Aydındır ki, Vardanyan haqqında film həbsxanamızda məskunlaşan Rusiya elitasının “maliyyə camaşırxanası”na, Kreml tərəfindən "qalereyalardakı qullar”ın "beyin zəhməti ilə yığdıqları" şeylərin təhlükəsizliyinə böyük təhdid kimi qəbul edilən siqnal oldu.
Düşünürəm ki, haqqında çıxarılan hökmdən sonra artıq himayədarlarına etibar edə bilməyəcəyini anlayan Vardanyanın daha çox sənədli, rəqəmlər və tarixlə danışacaq. Üstəlik, bu "səmimilik" çox güman ki, Rusiyada siyasi mənzərəni dəyişməyə hazırlaşanlar üçün əsas təbliğat tətiyi olacaq.
Vardanyanın faylları Epşteyninki kimi, "studiyada" olacaq... Gözləyirik”, - T.Zülfüqarov bildirib.
